17.09.2026 | 13:47
ԱԺ-ն ՏԿ և ՇՄ պահպանության հարցերի հանձնաժողովի նախագահ է ընտրում. ՈւՂԻՂ
Շիրակցի գերիների հարազատները մարզպետարանում բողոքի ակցիա են իրականացնում
Քաղաքականություն
03.03.2021 | 19:49
Շիրակի տարբեր համայնքների գերեվարված զինծառայողների հարազատները բողոքի ակցիա են իրականացնում Շիրակի մարզպետարանում։ Նրանք նստել են շենքի մուտքի դիմաց և պահանջում են վերադարձնել իրենց երեխաներին։
Ծնողները նշում են, որ այսքան ժամանակ սպասել են, բայց իրենց որդիներն այդպես էլ չեն վերադարձել։ Նրանք հստակ ժամկետներ են պահանջում։ Հարազատները կրկին ցանկանում են հանդիպել վարչապետի հետ ու նրանից ստանալ հստակ պատասխան։
Նրանց հետ հանդիպել են ոստիկանապետն ու Շիրակի մարզպետը։ Նշենք, որ գերիների հարազատները գրեթե ամեն օր մարզպետարանում տարբեր հանդիպումներ են ունենում այդ հարցով։
Հիշեցնենք՝ վարչապետ Նիկոլ Փաշինյանը փետրվարի 17-ին Գյումրիում հանդիպել էր գերիների հարազատներին։
Հիշեցնենք նաև, որ Հադրութի Հին Թաղեր ու Խծաբերդ բնակավայրերում դեկտեմբերի 16-ին՝ ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են հետ վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Մնացյալ 54 գերիները շարունակում են մնալ Ադրբեջանում։
Էմմա Չոբանյան
