14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Աղդամում ադրբեջանցի պաշտոնյա է պայթել ականի վրա
Քաղաքականություն
03.03.2021 | 17:39
Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել։ Տեղական լրատվամիջոցների հաղորդմամբ՝ մարտի 3-ին ժամը 15:00-ի սահմաններում Աղդամի (Ակնա) շրջանային դատախազություն տեղեկություն է ստացվել այն մասին, որ Հաֆիզ Ազիմզադեն պայթել է ականի վրա Աղդամի Նովրուզլու գյուղում։
Քննության ընթացքում պարզվել է, որ Աղդամի մեխանիկական ոռոգման տարածաշրջանային վարչության պետ Ազիմզադեն ականի վրա պայթելու հետևանքով ծանր վիրավորում է ստացել։ Նրա աջ ոտքը՝ մինչև ծունկն անդամահատել են։
Դեպքի առիթով քննությունը շարունակվում է։
Էմմա Չոբանյան
