19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Առանց վախենալու, հանգիստ ասեք, մենք Ձեզ կպաշտպանենք․ Բաբաջանյանը՝ Հայկյանցին. ՏԵՍԱՆՅՈՒԹ
Քաղաքականություն
03.03.2021 | 14:52
Ազգային ժողովում քննարկվում է Վճռաբեկ դատարանի դատավորի ընտրության հարցը: ԲԴԽ-ն ներկայացրել է Արմեն Հայկյանցի թեկնածությունը:
«Ես խնդրում եմ, որ դուք ևս գնահատեք պարոն Վարդազարյանի նոյեմբերի 15-ի հայտարարությունը, արդյո՞ք դուք դա գնահատում եք որպես քաղաքական հայտարարություն»,- դատավորի թեկնածուին այս հարցն ուղղեց Աժ պատգամավոր Արման Բաբաջանյանը:
Թեկնածուն նշեց, որ այդ պահին ինքը եղել է ԲԴԽ անդամի պաշտոնակատար. «Հայտարարությունը չի եղել ԲԴԽ անունից, դա եղել է ԲԴԽ նախագահի հայտարարությունը: ԲԴԽ անդամների արձագանքը եղել է այնքանով, որ նրանք չեն մասնակցել այդ հայտարարությանը, այդ հայտարարության հեղինակը չեն»:
«Կարելի է ենթադրել, որ համաձայն չեք եղել այդ հայտարարության բովանդակության հետ… Ձեզ ոչինչ չի կարող անել Ռուբեն Վարդազարյանը, առանց վախենալու այդ գնահատականը հնչեցրեք, մենք ձեզ կպաշտպանենք»,- արձագանքեց պատգամավորը:
Արմեն Հայկյանցը նշեց, որ եթե գնահատական հնչեցնի, դրանով կհատի այն սահմանը, որը կոչվում է դատավորի չեզոքություն և զսպվածություն:
Մանրամասները՝ տեսանյութում:
