17.09.2026 | 11:55
Էս միտքը ծագել է Նյու Յորքի սուպերմարկետում. Փաշինյանը՝ ՀՀ-ի անվտանգության ճարտարապետության մասին․ ՏԵՍԱՆՅՈՒԹ
Մյանմարում ուժայինները հրազենային զենքից կրակ են բացել ցուցարարների վրա՝ սպանելով 9 մարդու
Քաղաքականություն
03.03.2021 | 15:19
Մյանմարի անվտանգության ուժերը հրազենային զենքից կրակ են բացել ցուցարարների վրա՝ սպանելով 9 մարդու, այն բանից հետո, ինչ հարևան երկրները զսպվածության կոչ են արել և առաջարկել՝ օգնել լուծել ճգնաժամը, գրում է Reuters-ը՝ հղում կատարելով ականատեսներին։
Ըստ գործակալության տեղեկությունների՝ անվտանգության ուժերը նախազգուշացումից կարճ ժամանակ անց կենդանի կրակ են բացել ցուցարարների վրա մի քանի քաղաքներում։ Ականատեսները պատմել են, որ խունտան այս անգամ, ավելի քան երբևէ, վճռական է տրամադրված եղել ցուցարարներին հետ շպրտելու հարցում։
«Նրանք քայլեցին դեպի մեզ ու արցունքաբեր գազ նետեցին, կրկին քայլեցին ու օգտագործեցին խլացնող նռնակներ»,- Reuters-ին պատմել է Մյինհյան քաղաքում ցուցարարների առաջնորդ Սի Տու Մաունգը։
«Այնուհետև նրանք մեր դեմ չօգտագործեցին ջրցան մեքենաներ, այլ առանց ցրվելու նախազգուշացման՝ կրակ բացեցին մեզ վրա»,- պատմել է նա։
Մյինգյանում մեկ պատանի է զոհվել, սակայն զոհերի թիվն ավելի մեծ է եղել մեկ այլ քաղաքում՝ Մոնվայում, որտեղ սպանվել է 5 մարդ։ Առնվազն 30 մարդ վիրավորվել է, որոշները դեռևս անգիտակից վիճակում են գտնվում։
