08.11.2024 | 10:05
Եվրոն արժևորվել է․ արտարժույթների փոխարժեքները՝ նոյեմբերի 8-ի դրությամբ
Իրանը Իսրայելի ամենամեծ թշնամին է, և ես մտադիր եմ կանգնեցնել նրան․ Նեթանյահու
Քաղաքականություն
01.03.2021 | 17:37
Իսրայելի վարչապետ Բենյամին Նեթանյահուն Իրանին մեղադրել է անցյալ շաբաթ Օմանի ծոցում իսրայելական նավի վրա գրոհ իրականացնելու մեջ։ Այդ առեղծվածային պայթյունից հետո տարածաշրջանում անվտանգության վերաբերյալ անհանգստություններ են առաջացել, գրում է Associated press-ը։
Առանց որևէ ապացույց ներկայացնելու՝ Նեթանյահուն հայտարարել է, որ «դա իսկապես Իրանի ձեռքի գործն է, և որ դա պարզ է»։
«Իրանը Իսրայելի ամենամեծ թշնամին է, և ես մտադիր եմ կանգնեցնել նրան։ Մենք հարվածներ ենք հասցնում նրան ողջ տարածաշրջանում»,- ասել է Նեթանյահուն։
Իրանը հերքել է իրեն ներկայացված մեղադրանքները։
Իսրայելին պատկանող Helios Ray նավի վրա պայթյուն է գրանցվել, երբ այն նավարկելիս է եղել Մերձավոր Արևելքից դեպի Սինգապուր։ Նավի անձնակազմը չի տուժել։
Տաթև Ֆռանգյան
