14.12.2025 | 11:41
Ապարանի համայնքապետարանը՝ քամու պատճառած վնասների մասին
Բանակը պետք է ոտքի կանգնի՞. Արթուր Վանեցյանն ու Վազգեն Մանուկյանը հակասում են միմյանց. ԵզրաԿԱՑՈՒԹՅՈՒՆ
Քաղաքականություն
26.02.2021 | 21:47
«Հայրենիքի փրկության շարժման» վարչապետի թեկնածու Վազգեն Մանուկյանի և նույն շարժման մաս կազմող «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը միմյանց հակասում են՝ Զինված ուժերի՝ քաղաքական գործընթացներին միջամտելու հետագա քայլերի շուրջ կարծիք հայտնելիս:
Այսօր լրագրողների հետ ճեպազրույցում Արթուր Վանեցյանը հայտարարեց, որ բանակն այլևս անելիք չունի՝ շեշտելով. «Զինված ուժերը հաջորդ քայլ չունի անելու: Զինված ուժերը իր քայլն արել է, իր հայտարարությունն արել է, և ես կարծում եմ, որ Զինված ուժերն այսքանով պետք է սահմանափակվեն»:
«Հայրենիքի փրկության շարժման» վարչապետի թեկնածու Վազգեն Մանուկյանը, սական, մի քանի ժամ անց Ազգային ժողովի դիմաց հրավիրված հանրահավաքի ժամանակ հայտարարեց, թե սկսվում են Հայաստանի համար ամենավճռական օրերը:
Նա ընդգծեց. «Ես համոզված եմ, որ բանակը ոտքի կկանգնի, եթե չկանգնի, մենք պետք է կանգնեցնենք: Մենք շատ գործ ունենք՝ պատգամավորների հետ աշխատելու, գնալ շրջաններ՝ ժողովրդին բարձրացնելու: Բայց այս մի քանի օրում որոշվելու է ամբողջ պայքարի ճակատագիրը»:
Մանրամասները՝ տեսանյութում:
Նարեկ Կիրակոսյան
