20.05.2026 | 16:45
ԱՄՆ-ը և Իսրայելը պատրաստվում էին Իրանում իշխանության բերել նախկին նախագահ Մահմուդ Ահմադինեժադին. NYT
Հունաստանը հորդորել է Թուրքիային նախկին կարգավիճակին վերադարձնել Սուրբ Սոֆիայի տաճարը
Քաղաքականություն
24.02.2021 | 15:40
Հունաստանը մի շարք միջազգային կազմակերպությունների հետ միասին հորդորել է Թուրքիային իր նախկին՝ թանգարանի կարգավիճակին վերադարձնել Ստամբուլի Սուրբ Սոֆիայի տաճարը, որը Անկարայի կողմից վերածվել է մզկիթի։ Այս մասին հայտարարել է Հունաստանի ԱԳՆ ղեկավար Նիկոս Դենդիասը՝ ելույթ ունենալով ՄԱԿ-ի մարդու իրավունքների հարցերով խորհրդի 46-րդ նստաշրջանին, գրում է ՏԱՍՍ-ը։
Դենդիասը նշել է, որ մշակութային իրավունքների ու մշակութային ժառանգության պահպանումը չափազանց կարևոր է Հունաստանի համար։
«Բոլոր պետությունները՝ անկախ իրենց քաղաքական, տնտեսական, մշակութային համակարգերի, պարտավոր են ձեռնպահ մնալ մշակութային հուշարձանների կարգավիճակի փոփոխությունից։ Ես մասնավորապես նկատի ունեմ Սուրբ Սոֆիայի տաճարի փոխակերպումը մզկիթի, ինչը հակասում է մշակութային ժառանգություն հասկացությանը։ Մենք մյուս բոլոր հաստատությունների ու միջազգային կազմակերպությունների հետ խնդրում ենք սույն հուշարձանին վերադարձնել նախկին կարգավիճակը»,- ընդգծել է Հունաստանի ԱԳՆ ղեկավարը։
Տաթև Ֆռանգյան
