11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ռուս պատգամավորը «Իսկանդերի» մասին Փաշինյանի խոսքերը «բացարձակ սուտ» է որակել
Քաղաքականություն
24.02.2021 | 13:43
ՌԴ Պետդումայի պաշտպանության հանձնաժողովի նախագահի տեղակալ Վիկտոր Զավարզինն անդրադարձել է ՀՀ վարչապետ Նիկոլ Փաշինյանի՝ «Իսկանդերի» մասին արած հայտարարությանն ու նշել, որ այդպիսով Հայաստանի վարչապետը որոշել է ընդգծել իր անմեղությունը ԼՂ-ի պատերազմի արդյունքներում։
«Երբ մարդ ձգտում է անմեղ լինել, նա «Իսկանդերն» էլ կներքաշի՝ և՛ հայ ժողովուրդն է մեղավոր, և՛ զինվորականներն են մեղավոր։ Դա, իհարկե, իրականությանը չի համապատասխանում։ «Իսկանդերը» բարձր ճշգրտությամբ զենք է, դա դրսևորվել է բազմիցս տարբեր զորավարժություններում»,- ասել է պատգամավորը «Գովորիտ Մոսկվա» ռադիոկայանի եթերում։
Նա հայտարարել է, թե Փաշինյանի խոսքերը «բացարձակ սուտ են»։ Պատգամավորը նաև հիշեցրել է, որ արևմտյան փորձագետները մշտապես ուշադրություն են դարձնում «Իսկանդերները» կարճ հեռահարության հրթիռների շուրջ բանակցություններում ընդգրկելու անհրաժեշտությանը։
«Սիրիայում դրանք կիրառվել են շատ ճշգրիտ, և ո՛չ մեկ անգամ։ Ես, մեղմ ասած, համաձայն չեմ այդ կարծիքի հետ»,- ասել է Զավարզինը։
Էմմա Չոբանյան
