10.12.2025 | 22:13
Գալուզինը Բաքվում ընդգծել է 11 ռուսաստանցիների ազատ արձակման կարևորությունը
Նախնական տվյալներով` 1600 անհետ կորած զինծառայող ունեինք. 1000+ հիմնադրամի տնօրեն. ՏԵՍԱՆՅՈՒԹ
Հասարակություն
23.02.2021 | 12:17
Անհետ կորած զինծառայող ունեցող ընտանիքները պետք է դիմեն դատարան: Փետրվարի 10-ից հետո իրավունք ունեն դիմելու դատարան և խնդրելու, որ դատարանը անհայտ բացակայող ճանաչի իրենց զինծառայողին: Այս մասին այսօր հրավիրված ասուլիսում նշեց «Զինծառայողների ապահովագրության հիմնադրամ»-ի տնօրեն Վարուժան Ավետիքյանը:
«Մենք պայմանավորվածություն ունենք փաստաբանների պալատի հանրային պաշտպանի գրասենյակի հետ, որ անվճար սպասարկեն մեր այդ քաղաքացիներին և իրավաբանական փաստաթղթերը պատրաստեն, որպեսզի մարդիկ կարողանան այդ վճիռները ստանալ: Անհայտ բացակայող կարգավիճակը իրավական կարգավիճակ է, այն պետք է ստանան՝ անկախ այն հանգամանքից՝ ուզում են հիմնադրամից հատուցում ստանալ, թե ոչ: Մինչ այդ կարգավիճակը ստանալը կամուրջ ծրագրով այդ ընտանիքներին 6-ամսյա աջակցություն է տրամադրվում»,- նշեց հիմնադրամի տնօրենը:
«Նախնական տվյալներով` 1600 անհետ կորած զինծառայող ունեինք: Նրանց թիվը նվազում է, քանի որ մի մասը վերադառնում, մի մասի մարմինների նույնականացում է տեղի ունենում:
«Կամուրջ» ծրագրի ֆինանսավորման ներքո անհետ կորած զինծառայողների 803 ընտանիքի արդեն հատուցում է կատարվել»,- նշեց Ավետիքանը:
Մանրամասները՝ տեսանյութում:
