17.12.2025 | 18:36
«Պետությունը պետք է լինի գերագույն արժեք». ինչո՞ւ են փոխվել պատմության դասագրքերի շեշտադրումները
էկոլոգիական աղետ Իսրայելում․ մի քանի տասնյակ տոննա մազութ է լցվել Միջերկրական ծով․ ՖՈՏՈ
Քաղաքականություն
22.02.2021 | 14:31
Մի քանի տասնյակ տոննա մազութ է լցվել Միջերկրական ծով՝ Իսրայելի ափամերձ շրջանի մեծ մասում։ Տեղի իշխանությունները խոսում են երկրի պատմության մեջ գրանցված մեծածավալ էկոլոգիական աղետի մասին, գրում է Aljazeera-ն։
Մազութի կտորներ են նկատվել Իսրայելի ափին տեղի ունեցած փոթորկից հետո։ Հազարավոր կամավորներ ու զինվորականներ օգնում են մաքրել ափամերձ շրջանները մազութի մնացորդներից, որն արդեն իսկ լուրջ վնաս է հասցրել վայրի բնությանը։ Տուժած շրջաններում հայտնաբերվել են սև գույնով ներկված սատկած կրիաներ, ձկներ ու թռչուններ։
Իսրայելի իշխանություններն այս աղետն անվանել են «երկրի պատմության մեջ գրանցված ամենալուրջ էկոլոգիական աղետը»։
Իսրայելի Շրջական միջավայրի, ՆԳՆ ու Առողջապահության նախարարությունները միասնական հայտարարությամբ են հանդես եկել՝ նախզգուշացնելով բնակչությանը Միջերկրական ծովի՝ 195 կմ ձգվող ափ այցելություններից՝ տեղեկացնելով, որ «մազութի արտանետումները կարող են վնասակար լինել հանրային առողջության համար»։
Իսրայելի շրջական միջավայրի պաշտպանության խմբերի ներկայացուցիչները կիրակի օրը տեղի ունեցած ճեպազրույցի ժամանակ հայտարարել են, որ գործող օրենսդրությունը քիչ բան կարող է անել շրջակա միջավայրի աղետները կանխելու կամ դրանց լուծման համար:
Նրանք նախազգուշացրել են, որ այս աղետը պետք է սթափեցնող ահազանգ լինի ընդդիմության համար՝ ուղղված Արաբական Միացյալ Էմիրությունների և Կարմիր ծովում կորալյան ժայռերով հայտնի իսրայելական Էյլաթ նավթային օբյեկտները միմյանց կապող պլանավորված նավթամուղի կառուցման հարցում։
Իսրայելի վարչապետ Բինյամին Նեթանյահուն և շրջակա միջավայրի պահպանության նախարար Գիլա Գամլիելը կիրակի օրը այցելել են հարավային Աշդոդ նավահանգիստ՝ գնահատելու հասցված վնասի չափը:
Տաթև Ֆռանգյան
