15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Հայաստանում մահերի թիվը շուրջ 26 %-ով աճել է․ ավելացել են նաև ինքնասպանության դեպքերը
Հասարակություն
16.02.2021 | 18:14
2020 թվականին սկիզբ առած համավարակն ու հայ-ադրբեջանական պատերազմը իրենց հետքն են թողել Հայաստանի ժողովրդագրական ցուցանիշների վրա։ Այս տարի մահերի թիվը շուրջ 9000-ով ավելի է նախորդ տարվա ընթացքում գրանցված մահերի թվի համեմատ։ Այս մասին տեղեկանում ենք Պետական վիճակագրական ծառայությունից։
Այսպես․ Եթե 2019 թվականի ընթացքում մահացել է 26 186 մարդ, ապա 2020 թվականին այդ թիվը կազմել է 35 371, այսինքն՝ աճել է 9185-ով կամ շուրջ 2,9 %-ով։
Նշենք, որ 2020 թվականի ընթացքում Covid- 19-ից պաշտոնապես հաստատված մահեր 3405-ն են, որից 1174-ը՝ միայն նոյեմբեր ամսին։
Իսկ պատերազմի հետևանքով զոհվածների վերջնական թիվն առայժմ պարզ չէ։ Ըստ Առողջապահության նախարարության՝ հունվարի 1-ի դրությամբ, դատաժշկական փորձաքննության է ենթարկվել 3330 մարմին։
2020 թվականին աճել է նաև ինքնասպանության և ինքնասպանության փորձերի թիվը։ Նշենք, որ այն վերջին 3 տարիներին աճի միտում ունի։ Այսպես․ 2018 թվականին գրանցվել է 606 ինքնասպանություն և ինքնասպանության փորձ, 2019 թվականին՝ 613, 2020 թվականին՝ 663 դեպք՝ 50-ով կամ 7 %-ով ավելի նախորդ տարվա համեմատ։
2020 թվականին գրանցվել է 183 ինքնասպանության դեպք, նախորդ տարվա համեմատ ավելացել է 30-ով կամ 16 %-ով։
Անժելա Պողոսյան
