08.10.2026 | 13:20
«Մենք չպետք է մոռանանք Ռուբեն Վարդանյանին և մյուս հայերին, որոնք դեռ պատանդ են պահվում Բաքվում»․ Եվրախորհրդարանի պատգամավոր
Հրապարակվել է զոհված ևս 132 զինծառայողի անուն․ ԱԺ ուժերը պատասխանել են Սերժ Սարգսյանին․ Լուրեր
Քաղաքականություն
16.02.2021 | 15:00
Մարդու իրավունքների պաշտպանը ՄԱԿ-ի մարդու իրավունքների խորհրդին մանրամասն հաղորդում է ուղարկել, որ ադրբեջանական իշխանությունները ձգձգում են գերիների վերադարձը և կոպտորեն խախտում միջազգային պահանջները. տեղեկացնում են ՄԻՊ աշխատակազմից:
—
Պաշտպանության բանակը հրապարակել է հայրենիքի պաշտպանության համար մղված մարտերում զոհված ևս 132 զինծառայողի անուն։ Պատերազմի ընթացքում և դրանից հետո հրապարակվել է ավելի քան 2 հազար անուն, զոհվածների ընդհանուր թիվը հայտնի չէ։
—
Ռուսաստանը մարդասիրական օգնության հերթական խմբաքանակն է հատկացրել Ադրբեջանին։ ՌԴ ՊՆ-ից հայտնում են, որ սոցիալական նշանակության օբյեկտների ու բնակելի տների էներգամատակարարման ու ջրամատակարարման համակարգերի վերականգնման համար Ադրբեջանին անցած Քարվաճառի շրջան է հասցվել 185 տոննա բեռ։
—
Խորհրդարանական «Իմ քայլը» և ԼՀԿ խմբակցությունների անդամները այսօր արձագանքել են երրորդ նախագահ Սերժ Սարգսյանի հայտարարություններին։ Էդմոն Մարուքյանի բնորոշմամբ՝ ստացվում է, որ Հայաստանի քաղաքացու հարկերը և սփյուռքից եկող գումարները ծախսվում էին մի տարածքի վրա, որը նախատեսվում էր փոխանցել Ադրբեջանին։
Իմքայլական Հրաչյա Հակոբյանը՝ ընդհակառակը, պնդել է, որ Սարգսյանի կառավարման 10 տարիները հակաղարաբաղյան էին, լուրջ ներդրում Արցախում չի արվել
