18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
Ինչո՞ւ Երևանի փողերից զինվորների պրոթեզավորմանը գումար չեք հատկացնում. Մանրիկյանը՝ Մարությանին. ՏԵՍԱՆՅՈՒԹ
Հասարակություն
12.02.2021 | 12:23
Ակտիվ քննարկում ենք տրանսպորտի և վերելակների հարցը, սակայն կարծես թե մոռացության են մատնվում Երևանի քաղաքապետարանի ենթակայության տակ գտնվող առողջապահական հիմնարկները։ Երևանի ավագանու արտահերթ նիստում քաղաքի բյուջեում փոփոխություններ կատարելու հարցի քննարկման ժամանակ ասաց ավագանու ԲՀԿ խմբակցության անդամ Միքայել Մանրիկյանը:
«Ստացվում է, որ անցած տարվա չկատարած աշխատանքներից բավական մեծ գումար ունենք, ցավում եմ, որ այդ գումարից 2-3 տոկոս չի ուղղվում մեր առողջապահական համակարգի զարգացմանը, նոր սարքերի գնմանը»,- ասաց ավագանու անդամը:
Նա առանձնացրեց Նորք-Մարաշ բժշկական կենտրոնը, որը, ավագանու անդամի կարծիքով, լուրջ ներդրումների կարիք ունի:
«Եթե չեմ սխալվում՝ ունի 7 միլիոն եվրոյի պարտք: Այդ վարկը պետք է փակենք 2022-ին կամ 2023-ին: Ինչո՞ւ այդ գումարներից 2-3 տոկոսի չափով այդ բժշկական կենտրոնին հատկացումներ չեն արվել: Այնտեղ ախտորոշիչ բաժանմունում սարքավորումներ գնելու անհրաժեշտություն կա»,- ասաց Մանրիկյանը:
Նրա խոսքով՝ բժշկական ոլորտին պետք է նայել նաև որպես բիզնես: Ավագանու ԲՀԿ-ական անդամը նաև հետաքրքրվեց, թե ինչո՞ւ որոշակի գումար չի փոխանցվում վերականգնողական կենտրոններին, քանի որ պատերազմից հետո հաշմանդամություն ստացած բազմաթիվ քաղաքացիներ կան:
«Ունենք Զինվորի տուն, որը կատարում է բավականին լուրջ վերականգնողական աշխատանքներ: Ինչո՞ւ որոշակի գումար չի հատկացվում զինվորների պրոթեզավորման, ռեաբիլիտացիայի նպատակով»,- նշեց Մանրիկյանը։
Մանրամասները՝ տեսանյութում:
