16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Թուրք-ամերիկյան համատեղ զորավարժություններ Սև ծովում․ Ռուսաստանը առարկել է․ Ahval
Քաղաքականություն
11.02.2021 | 19:23
Թուրքիան ու ԱՄՆ-ը Սև ծովում համատեղ ռազմածովային զորավարժություններ են անցկացրել, ինչը ՌԴ առարկությանն է արժանացել, գրում է Ahval-ը։
«Զորավարժություններն է՛լ ավելի են ամրապնդել երկու երկրների միջև ռազմածովային համագործակցությունը և նպաստել են նրանց օպերատիվ համատեղելիությանը»,- հայտարարել են Թուրքիայի Պաշտպանության նախարարությունից։
ՆԱՏՕ-ի շրջանակներում դաշնակիցներ հանդիսացող Թուրքիայի և ԱՄՆ-ի հարաբերությունները վերջին տարիներին վատթարացել են Անկարայի կողմից ռուսական С-400 զենիթահրթիռային համակարգերի գնման պատճառով, որոնք, ըստ Վաշինգտոնի, անհամատեղելի են ՆԱՏՕ-ի պաշտպանական համակարգերի հետ», – հիշեցնում է թերթը:
Թուրքիայի ՊՆ-ն հայտնել է, որ զորավարժություններին մասնակցել են TCG Turgutreis և TCG Oruç Reis երկու թուրքական ֆրեգատ և USS Porter и USS Donald Cook երկու ամերիկյան էսկադրային ականակիր, ինչպես նաև երկու թուրքական F-16 կործանիչ և ԱՄՆ ռազմածովային ուժերին պատկանող երկու P-8A հետախույզ-ինքնաթիռ։
Ռուսաստանը, որը Սև ծովում ունի խոշոր ռազմածովային ուժեր, քննադատել է տարածաշրջանում ամերիկյան նավատորմի ներկայությունը՝ այն անվանել է «զենքի շաչյուն»։
«Ամերիկացիները պետք է զբաղվեն իրենց գործերով Միացյալ Նահանգների ջրերում»,- նշել են Վաշինգտոնում ՌԴ դեսպանությունից։
