18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Վազգեն Մանուկյանը նոր հավաք է նախաձեռնում, ԱԱԾ-ն պարզաբանում է տվել Սյունիքի վերաբերյալ. Լուրեր
Քաղաքականություն
11.02.2021 | 18:00
Հայրենիքի փրկության շարժման վարչապետի թեկնածու Վազգեն Մանուկյանը հայտարարություն է տարածել, որ իշխանությունները կայացրել են որոշում, ըստ որի՝ այսուհետ Սյունիքի որոշ հատվածներում տարբեր թեմաներ լուսաբանելու նպատակով անհրաժեշտ է ունենալ ԱԱԾ համաձայնությունը: Նա պնդում է, որ կանցնի ժամանակ, և ինչպես 2020 թ. նոյեմբերի 9-ի գիշերը, մի օր կարթնանանք ու կպարզենք, որ այլևս չունենք Սյունիք: Մանուկյանը կոչ է անում վաղը ժամը 15:00-ին հավաքվել Ազատության հրապարակում՝ անելիքը հստակեցնելու համար։
—
Իր հերթին ԱԱԾ-ն պարզաբանում է տարածել, որում անհարկի շահարկում է որակել իրենց համապատասխան հայտարարության վերաբերյալ քննարկումները։ Ծառայության պնդմամբ՝ իրենք լուսաբանումներին խոչընդոտելու նպատակ չունեն, այլ ցանկանում են լուսաբանումները իրականացնել փոխհամաձայնեցված ու դրանով իսկ ապահովել անվտանգությունը։
—
Ադրբեջանցիները թուրքերի և ռուսների համաձայնությամբ հասել են նրան, որ Գարեգին Նժդեհի արձանը պետք է ապամոնտաժվի Արցախի Մարտունի քաղաքի գլխավոր փողոցներից մեկից ու տեղադրվի այլ վայրում։ Այս մասին այսօր Ազգային ժողովում ահազանգել է անկախ պատգամավոր Արման Բաբաջանյանը։
—
Արցախի պետնախարար, ֆինանսների նախարար Գրիգորի Մարտիրոսյանը երեկ Երևանում հանդիպել է Արցախում վարկավորում իրականացրած բանկերի ղեկավարների հետ: Բանկերի ներկայացուցիչները հայտնել են, որ մինչև 30 մլն դրամ վարկերի դեպքում տրամադրվել է մայր գումարների գծով արտոնյալ ժամկետ, համապատասխանաբար երկարաձգվել է նաև վարկի մարման ժամկետը:
