18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Իրենք վարորդներ են, ովքեր անում են այն, ինչ ուզում են, մեզ հետ կապ չունեն». Աջ ղեկ նախաձեռնություն
Հասարակություն
26.01.2018 | 12:36
Այսօր աջ ղեկով մեքենաների վարորդները մամուլի ասուլիս էին հրավիրել, որտեղ ներկայացնում էին իրենց առաջարկները: Մենք փորձեցինք ճշտել արդյոք վարորդներն ու «Աջ ղեկ» նախաձեռնությունը միասնական են ներկայացնում այդ առաջարկները: Մեզ հետ զրույցում «Աջ ղեկ» նախաձեռնության համակարգող Գևորգ Աճեմյանն ասաց, որ իրենք կապ չունեն բանախոսների հետ:
«Իրենք վարորդներ են, ովքեր անում են այն, ինչ ուզում են, մեզ հետ կապ չունեն: Մենք արդեն հայտարարել ենք, որ միանում ենք թանկացումների դեմ պայքարին»,- ասաց Աճեմյանը:
Նշենք, որ ասուլիսի բանախոսները նախկինում ակտիվ կերպով մասնակցում էին «Աջ ղեկ» նախաձեռնության անդամների կազմակերպած բողոքի ակցիաներին: Բանախոսներն այսօրվա ասուլիսի ժամանակ հայտարարեցին, որ իրենց Կառավարությունից որևէ պատասխան չեն տվել՝ընդունում են իրենց առաջարկները, թե ոչ. «Առաջ գոնե հեռախոսազանգերին էին պատասխանում, հիմա դա էլ չեն անում: Մենք մեր պարտքն ենք համարում Երևանի քաղաքապետարանին իրազեկելու, որ հավաք -երթ ենք անելու»:
Աջ ղեկ մեքենաների վարորդների երթը կմեկնարկի փետրվարի4-սին:
Նշենք, որ նրանց դժգոհության պատճառն աջ ղեկով մեքենաների ներկրման արգելքն է:
Լիլիթ Շաբոյան
