16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Մենք ասում ենք՝ Փաշինյանը հրաժարական պետք է տա, ինչի՞ շուրջ համագործակցենք. Միքայել Մելքումյան. ՏԵՍԱՆՅՈՒԹ
Քաղաքականություն
05.02.2021 | 16:23
Ընդդիմությունը պահանջում է, որ իշխանությունը հեռանա, բայց իշխանությունը չի հեռանում: Կարծես թե ընդդիմության աշխատանքը արդյունք չի տալիս: Factor TV-ի հետ զրույցում անդրադառնալով այս դիտարկմանը՝ «Բարգավաճ Հայաստան» խմբակցության պատգամավոր Միքայել Մելքումյանը նշեց. «Արդյունք չի կարող չտալ: Այն, որ իշխանությունն արդեն ասում է, որ արտահերթ ընտրություններ պետք է անցկացվեն, դա արդեն ընդդիմության պայքարի արդյունքում է որոշվել»:
«Պատերազմը, ծանրագույն պարտությունը, զոհերը, հաշմանդամություն ունեցող անձանց խնդիրները, գերիների առկայության հանգամանքը, տնտեսական-սոցիալական հարցերը բերել են համակարգային ճգնաժամի: Իշխանությունը համոզվել է, որ, այո՛, արտահերթ ընտրությունների անհրաժեշտություն կա: Երբ որ ճգնաժամ կա, նշանակում է՝ կառավարությունն է ձևավորել ճգնաժամ, չէ՞, ուրեմն իրենց կառավարությունը ձախողել է, և դա ընդունում են: Հետաքրքիր է, իրենք ընդունում են, որ գնում են արտահերթ ընտրությունների՝ իրենց իսկ կողմից առաջացրած ճգնաժամի հետևանքով: Ընտրությունների անցկացման կարգը և ժամկետը երկրորդ հարցն է։ Հաջորդ քայլը կախված է մի կողմից հանրային ճնշումների որակից և ընդգրկման աստիճանից, նկատի չունեմ միայն մարդկանց թվաքանակը: Ակնհայտ է, որ ընտրությունները պետք է անցկացվեն, որպես ճգնաժամը հաղթահարելու գործիք»,- ասաց Մելքումյանը:
Հարցին՝ ո՞ր դեպքում է հնարավոր, որ ԲՀԿ-ն համագործակցի գործող իշխանությունների հետ, Մելքումյանը պատասխանեց. «Մենք ասում ենք, որ հրաժարական պետք է տան, ինչի՞ շուրջ համագործակցենք: Մենք կարող ենք միայն հրաժարականի ձևի շուրջ խոսել»:
Մանրամասները՝ տեսանյութում:
