18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ը պետք է պահանջի Արցախի ժողովրդի համար ինքնորոշում ու բոլոր ռազմագերիների ազատ արձակում․ Ադամ Շիֆ
Քաղաքականություն
04.02.2021 | 15:23
ԱՄՆ կոնգրեսական Ադամ Շիֆը հայտարարել է, որ ԱՄՆ պետք է վերամիավորվի ԵԱՀԿ Մինսկի խմբի հետ ու պահանջի Արցախի ժողովրդի համար ինքնորոշում ու խաղաղություն։ Այս մասին կոնգրեսականը գրել է «Ֆեյսբուք» սոցիալական ցանցի իր էջում։
«Արդեն շուրջ երեք ամիս է անցել այն հայտարարությունից, որը վերջ դրեց Արցախում տեղի ունեցող ավերիչ պատերազմին ՝ Ադրբեջանի և Թուրքիայի կողմից իրականացված հարձակումից հետո: Սակայն Ադրբեջանը շարունակում է հրաժարվել ազատ արձակել տասնյակ հայ ռազմագերիների, ինչպես զինվորական, այնպես էլ քաղաքացիական անձանց: Այն նաև շարունակում է սպառնալ հայկական կրոնական և մշակութային արժեքներին, որոնք հայտնվել են Ադրբեջանի վերահսկողության տակ:
ԱՄՆ-ը պետք է վերամիավորվի Մինսկի խմբի հետ` Արցախի ժողովրդի համար ինքնորոշում և խաղաղություն պահանջելու համար, և մեր առաջնահերթությունը պետք է լինի բոլոր ռազմագերիների անհապաղ ազատ արձակումը: Ես իմ կոնգրեսական գործընկերների հետ քայլեր կձեռնարկեմ Արցախի դեմ անօրինական հարձակման համար Ադրբեջանին ու Թուրքիային պատասխանատվության ենթարկելու ուղղությամբ: Կաշխատենք ամերիկյան քաղաքականությունը ճիշտ ուղու վրա դնելու համար, որպեսզի այն պաշտպանի մարդու իրավունքները և ժողովրդավարությունը»,- գրել է ամերիկացի կոնգրեսականը:
Տաթև Ֆռանգյան
