17.09.2026 | 20:48
«Հայփոստի» թափանցիկության խնդիրը․ տնօրենի 3.6 մլն դրամ վարձատրություն և չբացահայտվող տվյալներ
Կորոնավիրուսը կարող է ազդել մարդու լսողության ու տեսողության վրա․ ռուս իմունոլոգ
Քաղաքականություն
04.02.2021 | 14:08
Կորոնավիրուսն ազդում է մարդու օրգանիզմի ամենախոցելի օրգանների վրա, այդ թվում նաև ուղեղի։ Բարդության դեպքում կարող է վնասել տեսողությունն ու լսողությունը։ Այս մասին ՏԱՍՍ-ի հետ զրույցում հայտնել է բժիշկ, իմունոլոգ Վլադիսլավ Ժեմչուգովը։
«Կորոնավիրուսը շատ բազմակողմ է վնասում օրգանիզմը՝ սկսած օրգանիզմ թթվածնի մատակարարումից, վերջացրած անոթների, բոլոր օրգանների և նյարդերի վնասումից։ Որտեղ վիրուսն օրգանիզմում թույլ տեղը գտնի, դրան էլ կհարվածի. կլինի դա ուղեղը, թոքերը, թե երիկամները, կախված է ոչ միայն վիրուսից, այլ կոնկրետ մարդուց, ինչով է նա նախկինում հիվանդացել և ինչպես է իրեն զգում այս պահին։ Մենք արդեն գիտենք, որ կարող է առաջանալ խլություն կամ կարող է տուժել տեսողությունը»,- ասել է իմունոլոգը։
Նա նաև նշել է, որ կորոնավիրուսային ինֆեկցիայով վարակվելու հետևանքը կարող է դառնալ զգայունության խախտումները, որոնց թվում է նաև ճոճվելու զգացողությունը։
Տաթև Ֆռանգյան
