08.11.2024 | 13:53
Ալիևը «Արևմուտքում նստած իսլամաֆոբներին ու ադրբեջանաֆոբներին» մեղադրել է ՀՀ-ին սպառազինելու և նոր պատերազմ հրաահրելու համար
Իսրայելական ԱԹՍ-ն մի քանի ժամ շարունակ հետախուզական թռիչք է կատարել Բեյրութի երկնքում
Քաղաքականություն
03.02.2021 | 14:11
Իսրայելի ռազմաօդային ուժերին պատկանող ԱԹՍ-ն, որը նկատվել է Բեյրութի երկնքում, պարեկություն է իրականացրել մի քանի ժամ շարունակ։ Ինչպես հայտնում է ՏԱՍՍ-ը, ծովի կողմից Բեյրութի օդային տարածք են ներխուժել նաև իսրայելական կործանիչներ, որոնք ցածր բարձրության վրա հետախուզական թռիչքներ են իրականացրել Բեյրութից հարավ ընած մի շարք բնակավայրերում։
Լիբանանցի զինվորականները Լիբանանում ՄԱԿ-ի Զինված ուժերի հրմանատարությանը տեղեկացրել են Իսրայելի կողմից համաշխարհային կազմակերպության Անվտանգության խորհրդի 1701 բանաձևի խախտման մասին, որով հրադադար էր հաստատվել համատեղ սահմանին։ Al-Watania գործակալության տեղեկությունների համաձայն՝ Էն-Նակուրե շտաբում բրիգադային գեներալ Խասիբ Աբդուն եռակողմ հանդիպման ժամանակ հայտարարել է, որ Իսրայելը շարունակում է ոտնահարել Լիբանանի ինքնիշխանությունը օդում, ցամաքում ու ծովում։
Փետրվարի 1-ին «Հըզբոլլահ» շիական կուսակցության դիմադրության ուժերը երկրի հարավում խոցել էին անօդաչու թռչող սարք։ Այն ընկել էր Բլիդա բնակավայրի մոտերքում ու հայտնվել է «Հըզբոլլահ»-ի անդամների ձեռքում։ Իսրայելական բանակի ներկայացուցիչը հաստատել է, որ ԱԹՍ-ն խոցվել է՝ միաժամանակ նշելով, որ գաղտնի տեղեկությունների արտահոսքի վտանգ չկա։
Իսրայելական ԶՈւ-ն արդարացնում է Լիբանանի երկնքում հետախուզական թռիչքները «Հըզբոլլահի» զինյալների տեղաշարժը վերահսկելու անհրաժեշտությամբ, որոնք մարտնչում են հարևան Սիրիայում իշխանական բանակի կողմից։
Տաթև Ֆռանգյան
