08.11.2024 | 13:59
Էկոնոմիկայի նախարարությունում քննարկվել են Հնդկաստանից բարձր որակավորում ունեցող աշխատուժի ներգրավմանն առնչվող հարցեր
Ջրհեղեղի նախազգուշացման կարմիր մակարդակ է հայտարարվել Ֆրանսիայում․ 150 մարդ տարհանվել է
Քաղաքականություն
02.02.2021 | 19:13
Այսօր Ֆրանսիայի հարավ-արևմուտքում ջրհեղեղի վտանգի կարմիր մակարդակ է հայտարարվել։ Այս մասին հայտնում է connexionfrance.com-ը։ Տեղեկացվում է, որ գիշերը ջրհեղեղի վտանգի պատճառով 150 մարդ տարհանվել է։
Անվտանգության նկատառումներից ելնելով՝ տարհանվել են Արգենթաթ-սյուր-Դորդոնիա, Կորեզ բնակավայրերի բնակիչները, քանի որ Դորդոնիա գետի վտակը հանդիսացող Մարոնան դուրս էր եկել ափերից ու մոտենում էր տներին:
Հավելենք, որ Փարիզում Սենա գետի մակարդակը անձրևների հետևանքով ևս բարձրացել է: Սրանով պայմանավորված ափամերձ որոշ հատվածներ, այդ թվում՝ Լուվրից ոչ հեռու, փակվել են: Փարիզի քաղաքապետարանը տեղեկացնում է, որ գետի ջրի մակարդակը բարձրացել է մինչև 4 մետր: Անվտանգության նկատառումներից ելնելով որոշ գոտիներ փակ են:
Տաթև Ֆռանգյան
