19.05.2026 | 20:12
Ներդրվում է 4 միլիարդ դոլար․ Սևակ Միքայելյանը հայտնել է AI գործարանի ծրագրի երկրորդ փուլի հաստատման մասին
ՄԻՊ-ը արձագանքել է աղմկահարույց տեսանյութին
Հասարակություն
24.01.2018 | 16:24
Մարդու իրավունքների պաշտպանի գրասենյակը արձագանքել է «Կռնատ կնոջ միակ կաղ որդուն տանում են բանակ» վերնագրով մեր տեսանյութին: Այդ մասին մեզ հայտնեց զորակոչիկ, 1991 թվականի ծնված Ռուբեն Պապոյանի մայրը՝ Սվետլանա Պապոյանը: Նա երրրորդ կարգի հաշմանդամ է, միայնակ մայր է, և Ռուբենը, որն ինքն էլ լուրջ առողջական խնդիրներ ունի, նրա միակ խնամակալն է:
«Մենք գնացինք ՄԻՊ գրասենյակ, դիմում գրեցինք: Հիմա պետք է նորից ինձ էլ, տղայիս էլ հետազոտեն: Ես իմ կարգի հարցն էլ եմ դրել», – ասում է Սվետլանա Պապոյանը: Նա կասկածում է, որ իր հաշմանդամության կարգը ոչ թե երրորդն է, ինչպես գրված է փաստաթղթերում, այլ երկրորդ:
«Ես ի ծնե թև չունեմ, ոչ կարողանում եմ աշխատել, ոչ մի բան վերցնել, իսկ իրանք «ստից» կարգ են գրել, էնքան որ՝ ազատեն գլուխները ինձանից: Ես սկի դրանով չեմ զբաղվել, որ ճշտեմ, ինձ ինչ կարգ ա հասնում», – ասում է նա:
ՄԻՊ գրասենյակից հայտնեցին. «Մայր ու որդի Պապոյանները առանձին-առանձին դիմումներ են գրել, որ և’ մոր հաշմանդամության սահմանված կարգի համապատասխանությունը ստուգվի, և’ տղայի համար լրացուցիչ բուժհետազոտություն արվի»:
Սյուզան Սիմոնյան
