26.04.2026 | 12:04
Կոլումբիայում ապստամբները պայթյուն են իրականացրել Պանամերիկյան մայրուղու վրա․ 14 մարդ է զոհվել
Իրանի, Թուրքիայի ու Ադրբեջանի ԱԳՆ ղեկավարներն Իրանում հանդիպում կանցկացնեն
Քաղաքականություն
29.01.2021 | 17:47
Իրանի ԱԳ նախարար Մոհամմադ Ջավադ Զարիֆը հայտարարել է, որ շուտով տեղի կունենա Իրանի, Թուրքիայի ու Ադրբեջանի ԱԳՆ ղեկավարների հանդիպումը։
«Ադրբեջանի, Իրանի ու Թուրքիայի ԱԳ նախարարներն առաջիկայում կհանդիպեն Իրանում»,- ասել է Զարիֆը Անկարայում թուրք պաշտոնակցի հետ համատեղ մամուլի ասուլիսում։
Նրա խոսքով՝ Հարավային Կովկասում Իրանի ու Թուրքիայի համագործությունն «օգուտ է բերում տարածաշրջանի երկրներին»։
«Ներկայում նախապատրաստվում է տարածաշրջանի 6 երկրների համագործակցության պլատֆորմ։ Մենք կարող ենք զարգացնել համագործակցությունը տարբեր ոլորտներում։ Հուսանք՝ դա տեղի կունենա»,- ասել է Իրանի ԱԳ նախարարը։
Նշենք, որ Զարիֆն Անկարայում է տարածաշրջանային այցի շրջանակում։ Ավելի վաղ նա այցելել էր Բաքու, Մոսկվա, Երևան և Թբիլիսի։
Էմմա Չոբանյան
