Քաղաքականություն
29.01.2021 | 13:37
«Առողջապահության համաշխարհային կազմակերպության (ԱՀԿ) փորձագետների միջազգային խումբը, որը ժամանել է Ուհան՝ պարզելու COVID-19-ի ծագման աղբյուրը, առաջին անգամ հանդիպել է իրենց չինացի գործընկերների հետ», – հայտնել է ԱՀԿ փորձագետնոերի խմբի նորկայացուցիչ Մարիոն Կուպմանսը, գրում է «ՌԻԱ Նովոստին»։
Այս պահին Չինաստանում է գտնվում ԱՀԿ փորձագետների միջազգային խումբը, որը զբաղվում է COVID-19-ի ծագման բացահայտմամբ։ Մասնագետները ժամանել են չինական Ուհան հունվարի 14-ին, ինչից հետո պարտադիր 14-օրյա կարանտինի մեջ են գտնվել։
Ինչպես հինգշաբթի օրը հայտարարել է ՉԺՀ ԱԳՆ պաշտոնական ներկայացուցիչ Չժաո Լիցզյանը, ԱՀԿ միջազգային խմբի կարանտինի ժամկետը լրացել է, այսուհետև նրանք կշարունակեն իրենց աշխատանքը չինական կողմի հետ՝ վիրուսի ծագման վերաբերյալ համագործակցության շրջանակում։
Տաթև Ֆռանգյան
