27.08.2026 | 19:44
COP17-ի ընթացքում Երևանի քոլեջները երկու շաբաթ առկա դասեր չեն անցկացնի
Զանգվածային խուզարկություններ Մոսկվայում՝ ընդդիմադիրների տներում․ ձերբակալվել են Նավալնիի եղբայրն ու նրա կողմնակիցները
Քաղաքականություն
28.01.2021 | 13:30
Մոսկվայում ոստիկանությունը խուզարկություններով միանգամից մի քանի հասցեներում է եղել ՝ խուզարկելով ընդդիմադիր քաղաքական գործիչ Ալեքսեյ Նավալնիի ու հաջակցություն նրա բողոքի ցույցերի հետ որևէ կապ ունեցող անձանց տները։
Հունվարի 27-ին խուզարկություններից հետո հետաքննիչները ձերբակալել են փաստաբան Լյուբով Սոբոլին, քաղաքական գործիչ Ալեքսեյ Նավալնիի եղբորը՝ Օլեգ Նավալնիին ու Pussy Riot-ի մասնակից Մարիա Ալյոխինային, գրում է Meduza-ն։ Նրանք որպես կասկածյալ են անցնում սանիտարահամաճարակաբանական նորմերի խախտման մասին քրեական գործով։
Նրանց ձերբակալել են 48 ժամով ու տեղափոխել են ժամանակավոր պահման խուց։ Ալեքսեյ Նավալնիի տարածաշրջանների շտաբի ղեկավար Լեոնիդ Վոլկովի կարծիքով՝ Օլեգ Նավալնիին, որին ավելի վաղ դատել էին «Իվ Ռոշեի» գործով, փորձում են պատանդ դարձնել՝ մինչ նրա եղբորը «Մատրոսկայա տիշինայից» ազատ կարձակեն։
Քննիչները 48 ժամով ձերբակալել են նաև «Բժիշկների դաշինքի» ղեկավար Անաստասիա Վասիլևային:
Ձերբակալվել է նաեւ Ալեքսեյ Նավալնիի օգնական Իլյա Պախոմովը, որը գտնվում էր քաղաքական գործչի բնակարանում: Պախոմովին մեղադրանք է առաջադրվել վարչական իրավախախտման համար. հունվարի 17-ին օդանավակայանում Նավալնիի հետ հանդիպման ժամանակ ոստիկանին չենթարկվելու համար:
