19.05.2024 | 11:19
Արտարժույթների փոխարժեքները՝ մայիսի 19-ի դրությամբ
100 վիրավոր ու մի քանի տասնյակ վնասված մեքենաներ․ Հնդկաստանում ոստիկանների ու ֆերմերների միջև գրանցված բախումների առնչությամբ 15 քրգործ է հարուցվել
Քաղաքականություն
27.01.2021 | 14:35
Նյու Դելիում ոստիկանության ու ֆերմեր ցուցարարների միջև գրանցված բախումների հետևանքով առնվազն 86 ոստիկան է վիրավորվել։ Այս մասին գրում է ՏԱՍՍ-ը՝ հղում կատարելով տեղի ոստիկանությանը։ Ոստիկանությունից նաև հայտնել են, որ կոտրվել է 8 ավտոբուս, այդ թվում նաև ոստիկանական և 17 մասնավոր ավտոմեքենա։
Իր հերթին, ՏԱՍՍ-ին ցուցարարները հայտնել են, որ հիվանդանոցում ծանր վիճակում են գտնվում ավելի քան տուժած 20 ֆերմեր։
«Մերոնցից ավելի քան 20 մարդ ծանր վիրավոր է։ Հիվանդանոցում ասում են, որ որոշների վիճակը ծանր է»,- ասել է Կարմիր ճակատի շրջանում գտնվող ցուցարար Հիրա Սինգխը։
Այսօր առավոտյան ոստիկանությունը անկարգությունների ու վանդալիզմի մեղադրանքով 15 քրեական գործ է հարուցել։
Հիշեցնենք՝ երեկ՝ Հնդկաստանի Հանրապետության օրը, երկրի մայրաքաղաքի մատույցներում գյուղացիների ու ֆերմերների արհմիությունը, այսպես կոչված, տրակտորների երթ էր կազմակերպել՝ բողոքելով սեպտեմբեր ամսին երկրում ընդունված գյուղատնտեսական բարեփոխումների մասին օրենքների դեմ։
Տաթև Ֆռանգյան
