19.12.2025 | 19:33
Յուրա Մովսիսյանը լավատեսորեն է տրամադրված Հայաստանի հավաքականի ապագայի վերաբերյալ
Պատրաստվո՞ւմ եք ճնշում գործադրել դատավորների վրա․ ի՞նչ գործիքակազմ ունեք․ Հայրապետյանը՝ Ջհանգիրյանին. ՏԵՍԱՆՅՈՒԹ
Քաղաքականություն
22.01.2021 | 14:18
«Պատրաստվո՞ւմ եք ճնշում գործադրել դատավորների վրա․ ի՞նչ գործիքակազմ ունեք»,- այս հարցը ԱԺ-ում ԲԴԽ անդամի թեկնածու Գագիկ Ջհանգիրյանին ուղղեց «Իմ քայլը» խմբակցության պատգամավոր Տաթևիկ Հայրապետյանը: Նա նաև տեղեկացրեց, որ ԱԺ-ի մոտ ցույց անող քաղաքացիներից մեկն ասել է, թե Ջհանգիրյանը գնում է ԲԴԽ՝ դատավորների նկատմամբ ճնշում գործադրելու:
«Իմ լիազորությունները հավասար են ԲԴԽ մնացած անդամների լիազորություններին: Այդ լիազորությունների մեջ կա՞ գրած, որ ես պիտի ճնշում գործադրեմ: Չկա:
Օրինակ՝ ասում են, որ ես գնում եմ այնտեղ՝ նախագահի պաշտոնի. ժողովուրդ ջան, նախագահը պաշտոնավարում է, դրա համար ինքը մեկ տարի եւ ավելի ժամանակ ունի: Ո՞նց եմ գնում: Էս ամբիոնից հայտարարեմ՝ ես նախագահ եմ, թուրն առնեմ գնամ այնտե՞ղ: Այդ խոսակցությունները, ինձ թվում է, խիստ կասկածելի աղբյուրներից բաց թողնված տեղեկատվություններ են, որոնք իրականությանը չեն համապատասխանում»,- պատասխանեց Ջհանգիրյանը:
Նա նշեց, որ եթե իրավաբան-գիտնական անդամների նախագահության հարց լինի, ու առաջարկ ստանա, շոյված կզգա, չի հրաժարվի:
Իսկ մինչ այդ, ինչպես վստահեցրեց Ջհանգիրյանը, չի գնում ԲԴԽ նախագահի պաշտոնը թրով-սրով գրավելու, պաշարելու:
Հարցին՝ այդ դեպքում որոշ շրջանակներ ինչո՞ւ են վախենում իր՝ ԲԴԽ անդամ դառնալուց, Ջհանգիրյանը պատասխանեց. «Որպեսզի դա ասեմ, պիտի հետ գնանք առնվազն 1999 թվականի հոկտեմբեր: Ավելին չբարձրաձայնեմ»:
Մանրամասները՝ տեսանյութում:
