10.06.2026 | 09:34
ՀՀ տարածքում ավտոճանապարհներն անցանելի են
Հակակոռուպցիոն մարմինները ընդհանուր փաթեթով կունենանք 2021-ի աշնան վերջին․ Մարիամ Գալստյան. ՏԵՍԱՆՅՈՒԹ
Հասարակություն
21.01.2021 | 15:20
Կառավարությունը կոռուպցիայի դեմ պայքարի շրջանակում նախաձեռնել է մի քանի կառույցների ձևավորում, որոնցից են կոռուպցիայի կանխարգելման հանձնաժողովը, հակակոռուպցիոն կոմիտեն և դատարանը:
Կոռուպցիայի կանխարգելման հանձնաժողովն արդեն գործում է: «Մարմինը արդեն մեկուկես տարի է գործում է, բայց հաստիքների համալրման մասով խնդիրներ ունեն, շարունակաբար հանձնաժողովի լիազորությունները ընդլայնվում են: Կանխատեսում ենք, որ հաստիքների համալրում կլինի և հանձնաժողովն իր լիազորությունները կկարողանան իրականացնել ամբողջ ծավալով»,- «Հակակոռուպցիոն բարեփոխումների արդյունավետությունը և խնդիրները» թեմայով քննարկման ժամանակայս մասին ասաց ԱՆ Հակակոռուպցիոն քաղաքականության մշակման և մոնիթորինգի վարչության պետ Մարիամ Գալստյանը:
Հակակոռուպցիոն կոմիտեի հիմնական իրավասությունը լինելու է ՀՀ-ի Քրեական դատավարության օրենսգրքով իր ենթակայությանը վերապահված ենթադրյալ կոռուպցիոն հանցագործությունների միջդատական քրեական վարույթի կազմակերպումն ու իրականացումը:
Միաժամանակ քրեական վարույթ նախաձեռնելու հարցի լուծման նպատակով Հակակոռուպցիոն կոմիտեն օպերատիվ հետախուզական գործունեության մասին օրենքով սահմանված կարգով իրականացնելու է օպերատիվ հետախուզական գործունեություն:
Հակակոռուպցիոն կոմիտեի ծառայողների աշխատավարձն ավելի բարձր կլինի: Կոմիտեի ծառայողների համար, ի տարբերություն այլ քննչական մարմինների ծառայողների, սահմանված են առավել խիստ պահանջներ և սահմանափակումներ, ըստ այդմ նախատեսված են գործունեության լրացուցիչ երաշխիքներ:
«Հակակոռուպցիոն մարմինները, ընդհանուր փաթեթով, կունենանք 2021-ի աշնան վերջին»,- նշեց Մ. Գալստյանը:
Մանրամասները՝ տեսանյութում:
