08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Առողջապահության նախարարը չի հերքում, որ մայրը դեղագործական ընկերությունում «փայաբաժին» ունի. ՏԵՍԱՆՅՈՒԹ
Հասարակություն
21.01.2021 | 12:42
Իրավաբանական կրթությունը, ոլորտի փորձառությունը, կստեղծեն բավարար հանգամանքներ, որպեսզի լավագույնս փորձեմ ճիշտ քաղաքականություն մշակել առողջապահության ոլորտում։ Այս մասին այսօր՝ հունվարի 21-ին, Կառավարության նիստից հետո լրագրողների հետ զրույցում ասաց Առողջապահության նորանշանակ նախարար Անահիտ Ավանեսյանն՝ անդրադառնալով այն քննարկումներին, թե ինքը բժշկական կրթություն չունի, այլ իրավաբան է։
Անդրադառնալով դիտարկմանը, թե խոսակցություններ կան այն մասին, որ նախարարի ամուսինը և արդեն նախկին նախարար Արսեն Թորոսյանը բիզնես շահեր ունեն, Անահիտ Ավանեսյանը նշեց. «Ամուսինս՝ Ստեփան Ավանեսայնը, որևէ ձևով ընդգրկված չէ «Արմֆարմացիա» ընկերության կառավարման մեջ, և որևէ բիզնես շահ չունի Արսեն Թորոսայնի հետ։ Ես և ամուսինս այդ ընկերությունում փայաբաժին չունենք։ Մայրս, այո՛, փոքր փայաբաժին ունի»։
Հարցին, թե այստեղ շահերի բախում չի՞ նկատում, նախարարն արձագանքեց, որ ինքը շահերի բախում չի տեսնում։
«Առողջապահության նախարարությունը, ինչպես բոլոր գերատեսչությունները առաջնորդվում են գնումների մասին օրենքով և մրցույթի միջոցով մասնակցում են, և լավագույն առաջադրող գինը շահում է»,- ասաց նորանշանակ նախարարը:
Մանրամասները՝ տեսանյութում:
