09.10.2026 | 21:13
Ադրբեջանի դպրոցներում աշակերտները բողոքի ակցիաներ են անցկացրել հիջաբ կրելու արգելքի դեմ․ ՏԵՍԱՆՅՈՒԹ
Հայազգի Հայկ Հաջինազարյանը Բայդենի վարչակազմում պաշտոն է ստանձնել
Քաղաքականություն
16.01.2021 | 14:00
Հայազգի Հայկ Հաջինազարյանը Բայդենի վարչակազմում պաշտոն է ստանձնել, նա կղեկավարի Սպիտակ տան տարածաշրջանային հաղորդակցության վարչությունը: Այս մասին ասվում է Միացյալ Նահանգների նորընտիր նախագահի և փոխնախագահի համատեղ հաղորդագրության մեջ:
Նշվում է, որ Բայդենի շտաբը հետաձգել էր նորընտիր նախագահի երդմնակալության փորձը ու մեկնաբանել նոր նշանակումները: Սպիտակ տունը նշել է, որ նորանշանակ պաշտոնյաները որակյալ ու փորձառու մասնագետներ են, պատրաստ առաջին իսկ օրը «արդյունք ցույց տալ»:
Հայկ Հաջինազարյանը Բայդենի նախընտրական քարոզչության մամուլի քարտուղարն էր Արևմտյան Փենսիլվանիայում: Դրանից առաջ նա տեղեկատվական աջակցություն էր ցուցաբերում Նյու Հեմփշիրում, Նեվադայում, Տեխասում, Օհայոյում և այլ նահանգներում ընտրությունների ժամանակ:
Նախքան Բայդենի քարոզարշավին միանալը, Հաջինազարյանն աշխատում էր Կապիտոլիումում նախ ՝ որպես Ինդիանայից ընտրված սենատոր Ջո Դոնելիի խոսնակ, ապա որպես Ներկայացուցիչների պալատի ազգային անվտանգության կոմիտեի խոսնակի տեղակալ:
Հաջինազարյանը ծնվել է Օհայո նահանգի Կոլումբուս քաղաքում, Լիբանանից ներգաղթած հայ ընտանիքում: Ավարտել է Ինդիանայի համալսարանը , ապա Ջորջ Վաշինգտոնի անվան համալսարանի քաղաքական կառավարման բարձրագույն դպրոցը:
