Քաղաքականություն
15.01.2021 | 17:55
Պատգամավորները, հնարավոր է, Ազգային ժողովն իրավունքի ուժով արձակելու (լուծարելու) հնարավորություն ունենան: Բանն այն է, որ Ազգային ժողովի «Իմ քայլը» խմբակցության պատգամավոր Վահագն Հովակիմյանը ունի գաղափար՝ սահմանադրական փոփոխությունների միջոցով հասնել նրան, որ պատգամավորները լիազորություն ունենան նախագիծ բերել խորհրդարանի օրակարգ և կողմ քվերակությամբ լուծարել Ազգային ժողովը: Այս մասին Factor.am-ի հետ մասնավոր զրույցներում հայտնել են իշխանական «Իմ քայլը» խմբակցության մի քանի պատգամավորներ:
Ազգային ժողովը «Իմ քայլը» խմբակցության պատգամավոր Վահագն Հովակիմյանը Factor.am-ին փոխանցեց, որ իր գաղափարի մասին մեկնաբանություն չունի:
Նշենք, որ այս գաղափարի շուրջ, մեզ հասած տեղեկություններով, քննարկում է եղել նաև «Լուսավոր Հայաստան» խմբակցության առանձին պատգամավորների հետ, սակայն ընդհանուր հայտարարի չեն եկել:
Հավելենք, որ գործող Սահմանադրությամբ՝ խորհրդարանն արձակվում է, եթե վարչապետի հրաժարականից կամ պաշտոնը թափուր մնալուց հետո երկու անգամ ԱԺ-ն չի կարողանում վարչապետ ընտրել:
Նարեկ Կիրակոսյան
