24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
AstraZeneca- ի կիրառման թույլտվությունը ԵՄ-ում կդիտարկվի արագացված կարգով
Քաղաքականություն
12.01.2021 | 15:38
Դեղերի եվրոպական գործակալությունը (EMA), որպես արագացված ընթացակարգի մի մաս, մինչև հունվարի 29-ը, կգնահատի բրիտանա-շվեդական AstraZeneca- ի և Օքսֆորդի համալսարանի պատվաստանյութը ԵՄ-ում օգտագործելու դիմումը: Այս մասին այսօր հայտարարել են EMA լրատվական ծառայությունից, գրում է DW-ի ռուսական ծառայությունը:
Շուկայում օգտագործման թույլտվության մասին եզրակացություն կարող է տրվել արդեն EMA-ի՝ մարդու մոտ բժշկական օգտագործման համար դեղամիջոցների թույլատրման հանձնաժողովի նիստի ժամանակ`պայմանով, որ պատվաստանյութի որակի, անվտանգության և արդյունավետության վերաբերյալ տվյալները «բավականաչափ հավաստի և ամբողջական կլինեն»: Ընթացակարգի արագացումը հնարավոր է, քանի որ EMA- ն ավելի վաղ վերանայման ընթացքում արդեն ուսումնասիրել է մի շարք գործոններ:
AstraZeneca-ի հայցը ենթադրում է պատվաստանյութի թույլատրում շուկա մի շարք պայմանների հետևելու դեպքում։ Այն հնարավոր կլինի, եթե դեղամիջոցի առավելությունները կգրեազանցեն դրա կիրառման ընթացքում առաջացած ռիսկերը։
Հավելենք, որ եթե պատվաստանյութը հաստատվի, ապա այն կդառնա արդեն 3 պատվաստանյութը, որը ստացել է ԵՄ-ում օգտագործման թույլտվություն, BioNTech/Pfizer և Moderna-ից հետո։ EMA-ի կողմից թույլտվությունից բացի դրա կիրառումը պետք է հաստատի նաև Եվրահանձնաժողովը։
Տաթև Ֆռանգյան
