08.11.2024 | 14:35
Մտահոգիչ է արտակարգ դրության կարգավորումը․ Դավիթ Խաժակյան․ ՏԵՍԱՆՅՈՒԹ
Առաջիկա շաբաթները Գերմանիայի համար կլինեն ամենադժվարը․ Մերկել
Քաղաքականություն
11.01.2021 | 18:01
Առաջիկա շաբաթները Գերմանիայի համար կլինեն ամենադժվարը։ Այս մասին հայտարարել է Գերմանիայի կանցլեր Անգելա Մերկելը այն բանից հետո, երբ երկրում համաճարակի մեկնարկից ի վեր մահվան դեպքերի թիվն անցել է 40 000-ը, հաղորդում է Euronews-ը։
Գերմանիայի կանցլերը նշել է, որ Վիրուսն արագորեն տարածվում է Եվրոպայում և չնայած համաճարակի տարածման առաջին ալիքի ժամանակ Գերմանիան ավելի լավ վիճակում էր գտնվում, քան այլ երկրներ, երկրորդ ալիքն ուժեղ հարվածներ է հասցնում։
«Տարին սկսվում է խառը զգացողություններով։ Այս նոր տարվա հետ մենք հույսեր ունենք, արդարացված հույսեր, որ քայլ առ քայլ վերահսկողության տակ կվերցնենք կորոնավիրուսը և հետ կստանանք մեր ազատությունը։ Մեր երկիրը, ինչպես և եվրոպական շատ այլ երկրներ, համաճարակի երկրորդ վտանգավոր ալիքի ազդեցության տակ է։ Ձմռան հաջորդ շաբաթները, ամենայն հավանականությամբ, կլինի համաճարակի ամենաբարդ փուլը»,- ասել է Մերկելը։
Տաթև Ֆռանգյան
