17.09.2026 | 17:53
Վարչապետի գլխավորությամբ քննարկվել է 2027 թ. պետբյուջեի նախագիծը
Բացառում եմ, որ Վազգեն Մանուկյանին կընտրեմ վարչապետ. Սոֆյա Հովսեփյան. ՏԵՍԱՆՅՈՒԹ
Քաղաքականություն
11.01.2021 | 15:10
17 քաղաքական ուժերը, որոնք դրսում պայքարում են, ակնկալիք ունեն, թե ինչ-որ փուլում պրոցեսը կտեղափոխվի Ազգային ժողով, և հույս ունեն, որ դա կստացվի որոշ պատգամավորների հետ բանակցությունների արդյունքում, երբ կստանան վստահություն, որ վարչապետին անվստահություն հայտնելու և նոր վարչապետ ընտրելու համար կապահովվեն անհրաժեշտ քվեներ: Ազգային ժողովում լրագրողների հետ զրույցում անդրադառնալով այս դարկմանը և հարցին, թե արդյոք պատրաստվում է աջակցել այդ ուժերին՝ «Իմ քայլը» խմբակցությունը լքած պատգամավոր Սոֆյա Հովսեփյանը նշեց, որ ամենևին ցանկություն չունի որևէ կերպ աջակցել նրանց:
«Վստահ եմ, որ որևէ ձևով որևէ մեկը քայլ չի անի այդ մասին ինձ հետ քննարկելու: Ես բացառում եմ իրենց օրակարգը և բացառում եմ, որ կընտրեմ իրենց վարչապետի թեկնածու Վազգեն Մանուկյանին»,- նշեց պատգամավորը:
Հովսեփյանը հավելեց, որ որևէ քաղաքական ուժի հետ համագործակցության ո՛չ ցանկություն ունի, ո՛չ էլ նպատակ:
Նա նաև ընդգծեց, որ նախքան արտահերթ խորհրդարանական ընտրությունների գնալը պետք է չեզոք կառավարում կազմակերպել երկրում:
Մանրամասները՝ տեսանյութում:
