20.05.2026 | 16:21
«Հեռախոսով էդքան փողի անունը կտաք, որ ի՞նչ»․ ՀԿԿ-ն ԱԹՍ-ով գաղտնալսում է իրականացրել․ ՏԵՍԱՆՅՈՒԹ
Նման փաստաթուղթ չկա. նախարարը հանդիպեց ցուցարարներին. ՏԵՍԱՆՅՈՒԹ
Հասարակություն
08.01.2021 | 16:12
Արդարադատության նախարարության շենքի դիմաց ակցիա իրականացնող ցուցարարների հետ հանդիպեց ՀՀ արդարադատության նախարար Ռուստամ Բադասյանը։
«Եվս մեկ անգամ վերահաստատում եմ, որ Արդարադատության նախարարությունում որևէ պայմանագիր չկա, տարածված լուրն ուղղակի ապատեղեկատվություն է, չի համապատասխանում իրականությանը։ Նոր ոճ է ի հայտ եկել. տելեգրամյան ինչ-որ անհայտ ծագման ալիքների միջոցով ապատեղեկատվության տարածում։ Դրանք հետո տարածում են մեր լրատվամիջոցները և հասարակությունում առաջանում են հուզումներ և անհանգստություններ։ Կոչ եմ անում ուղղակի չհավատալ, չվստահել նման ալիքների տարածած լուրերին»,-հայտարարեց Ռուստամ Բադասյանը։
Նախարարի հավաստմամբ՝ որևէ փաստաթուղթ, որը կարող է որակվել որպես միջազգային պայմանագիր, գոյություն չունի արդարադատության նախարարությունում։
«Եթե լիներ միջազգային պայմանագիր, ես, որպես կառավարության անդամ, տեղյակ կլինեի դրա գոյության մասին։ Կառավարությունում նման հարց չի քննարկվել, ես որևէ տեղեկատվություն նման պայմանագրի գոյության մասին չունեմ»,-նշեց նախարարը։ Նա նաև ընդգծեց, որ սահմանների փոփոխության մասին խոսք լինել չի կարող։
Նշենք, որ երեկվանից ԶԼՄ-ներում հրապարակումներ եղան, համաձայն որոնց, հունվարի 11-ին Մոսկվայում ստորագրվելիք փաստաթղթի տեքստը պատրաստ է և Արդարադատության նախարարությունում է՝ գաղտնի ռեժիմով։
Մանրամասները՝ տեսանյութում:
