11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԵՄ 13 երկրների ԱԳ նախարարներ կոչ են արել պատվաստանյութ տրամադրել Արևելյան գործընկերության երկրներին, այդ թվում՝ Հայաստանին
06.01.2021 | 19:24
Եվրամիությունը պետք է ստեղծի հասանելի մեխանիզմ, որը հնարավորություն կտա 2021թվականի գարնանը կորոնավիրուսի պատվաստանյութ տրամադրել Արևելյան գործընկերության երկրներին՝ Հայաստանին, Ադրբեջանին, Բելառուսին, Մոլդովային, Ուկրաինային՝ որպես «գործընկեր պետություններին աջակցության ազդանշան»։ Այս մասին ասվում է ԵՄ 13 երկրների արտգործնախարարների՝ Եվրահանձնաժողովին ուղղված նամակում, գրում է ՏԱՍՍ-ը։
«Մենք կոչ ենք անում Եվրոպական հանձնաժողովին` արագորեն մշակել աջակցության մեխանիզմ, որն արդեն գործում է Արևմտյան Բալկանների երկրների համար։ Արևելյան գործընկերության սպասվելիք գագաթնաժողովում մենք պետք է ուժեղ ու համակարգված ազդանշան ուղարկենք այս ծրագրի ռազմավարական նշանակության մասին։ Կորոնավիրուսի պատվաստանյութի հասանելիությունը կդառնա այդ ազդանշանի կարևոր բաղադրիչ։ Մենք համոզված ենք, որ այդ գործողությունները բարձր կգնահատվեն այդ պետությունների կառավարությունների ու քաղաքացիական հասարակության կողմից և բարձրացնի ԵՄ-ի աշխարհաքաղաքական նշանակությունն աշխարհում»,- ասվում է նամակում, որը ստորագրել են ԵՄ Արևելյան Եվրոպայի բոլոր երկրների ԱԳՆ ղեկավարները։
Բրյուսելում ՏԱՍՍ-ի աղբյուրն էլ ասել է, որ պատվաստանյութերի մատչելիության ապահովումն այսօր դիվանագիտական ազդեցության կարևոր գործիք է և այն պետք է լայնորեն օգտագործել։
Էմմա Չոբանյան
