19.04.2026 | 21:12
Երևան-Գյումրի ավտոերթին մասնակցել է 1230 մեքենա. ԻՔՄ
Փակվել են ծննդատներ․ ծառայությունների որակը չի փոխվել․ Իմքայլական պատգամավորը՝ փոխնախարարին. ՏԵՍԱՆՅՈՒԹ
Հասարակություն
28.12.2020 | 15:55
«Դուք նախանձելի ջերմեռանդությամբ եք այս օերնքը վերջին երկու տարիների ընթացքում արարում, ներկայացնում, նրա համար պայքարում և ուրախ կլինեի, որ նման ջերմեռանդությամբ վերաբերվեիք իրականությանը և փորձեիք այն փոխել»,- ԱԺ-ում հայտարարեց «Իմ քայլը» խմբակցության պատգամավոր Լուսինե Բադալյանը՝ դիմելով «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում փոփոխություններ կատարելու մասին նախագծի վերաբերյալ կառավարության դիրքորոշումը ներկայացնող առողջապահության նախարարի տեղակալ Լենա Նանուշյանին:
Պատգամավորի խոսքով՝ 2019 թվականին առաղջապահությանն ուղղված ծախսերն ավելացել է 24 տոկոսով, բայց այն ժողովրդագրական ցուցանիշների վրա որևէ փոփոխությունների չի բերել և նույնիսկ կան ոլորտներ, որտեղ կան վատթարացումներ: «2019 թվականին մահացության թիվը 2 տոկոսով աճել է, ես չեմ խոսում 2020 թվականի մասին, որը պայամանավորված է կորոնավիրուսով: Նորագոյացություններից մահերի թիվը աճել է 4 տոկոսով: Այստեղ գիտեմ, որ անպայման կպնդեք՝ ծխելու հետևանք է: 2019 թվականին Հայաստանում մայրական մահացությունը կազմել է 32.3 պրոմիլ՝ լինելով ամենաբարձրը նախորդ 5 տարիների համեմատ:
Չնայած առողջապահության համակարգին հատկացվող գումարների ավելացմամբ ծառայությունների հասանելիությունը փոփոխությունների չի ենթարկվել: Ոչ աղքատների 12 տոկոսը, աղքատների 24.5 տոկոսը և ծայրահեղ աղքատների 49 տոկոսն ինչպես նախկինում, այնպես էլ այսօր շարունակում է չօգտվել առողջապահական ծառայություններից: Փակվել են ծննդատներ և ծառայությունների որակի բարելավման հարցում ևս չկան փոփոխություններ»,-ասաց պատգամավորը:
