29.04.2026 | 09:07
Հայաստանն ու Վրաստանը կհյուրընկալեն ֆուտբոլի աշխարհի երիտասարդական առաջնությունը
Գնաճը սարսափելի չէ. Կարեն Կարապետյան
Տնտեսություն
17.01.2018 | 17:53
ԱԺ «Ծառուկյան» խմբակցության պատգամավոր Շաքե Իսայանն այսօր ԱԺ-կառավարություն հարցուպատասխանի ժամանակ վարչապետ Կարեն Կարապետյանից հետաքրքրվեց ՝ մի՞թե կառավարությունը չուներ քաղաքական հեռատեսություն, որ ժամանակին կանխորոշեր սպասվող թանկացումները։
«Դեռևս ամիսներ առաջ «Ծառուկյան» խմբակցության պատգամավորները բազմիցս հարց են բարձրացրել այն մասին, որ գնաճի տեմպերն անկառավարելի են։ Սակայն բազմաթիվ պաշտոնյաներ տարբեր հիմնավորումներով հայտարարեցին, որ գնաճը կառավարելի է, և նման խնդիր չկա։ Խնդիրն այնքան լրջացավ, որ դրան հետևեցին խորհրդակցությունները, իսկ մի քանի օր հետո էլ այդ թեմայով խոհրդարանական լսումներ են կազմակերպվելու»,- նշեց պատգամավորը:
Վարչապետ Կարեն Կարապետյանն ի պատասխան նշեց, որ հարցին պետք է նայել համեմատության մեջ:
«Պաշտոնական գնաճը 2.6 տոկոս է։ 6.7 տոկոս Վրաստանում է, 7.9 տոկոս՝ Ադրբեջանում։ Ինչ վերաբերում է վառելիքի թանկացմանը, բենզինը թանկացել է 20 դրամով, գազը՝ 25 դրամով, վերականգնվել է այն գինը, որ եղել է 2015 թվականին: Լավ չէ, որ գազի գինը թանկացել է, բայց գազի գինը նոր մարտահրավեր չէ շուկայում»,- ասաց Կարապետյանը՝ նկատելով՝ գնաճը սարսափելի չէ:
Մանրամասները՝ տեսանյութում:
