17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Թեհրանը Կիևին է ներկայացրել խոցված ուկրաինական ուղևորատար ինքնաթիռի վերաբերյալ զեկույցը
Քաղաքականություն
28.12.2020 | 15:16
Թեհրանը Կիևին է ներկայացրել Իրանի մայրաքաղաքի երկնքում խոցված ուկրաինական ուղևորատար ինքնաթիռի վերաբերյալ զեկույցը։ Այս մասին հայտնել է Իրանի ԱԳՆ պաշտոնական ներկայացուցիչ Սաիդ Խաթիբզադեն, փոխանցում է ՌԻԱ Նովոստին։
Ավելի վաղ Ուկրաինայի ԱԳՆ ղեկավար Դմիտրի Կուլեբան հայտարարել էր, որ Ուկրաինան Իրանից ակնկալում է ուկրաինական Boeing-ի կործանման վերաբերյալ հետաքննության ընթացքի մասին զեկույց։
«Քաղաքացիական ավիացիայի կազմակերպությունը (Իրան) զեկույց է պատրաստել և նույն օրը, երբ ես հայտարարեցի այդ մասին (դեկտեմբերի 21), այն առցանց ձևաչափով տրամադրվել է ուկրաինական և մյուս կողմերին»,- ճեպազրույցի ժամանակ ասել է Խաթիբզադեն՝ նշելով, որ շուտով թարգմանված զեկույցը հասանելի կդառնա կողմերին:
Հիշեցնենք, որ Թեհրան-Կիև չվերթն իրականացնող ուկրաինական Boeing 737-800 Իրանի Զինված ուժերի կողմից սխալմամբ խոցվել է հունվարի 8-ին վաղ առավոտյան։ Զոհվել է 176 մարդ՝ Իրանի, Ուկրաինայի, Կանադայի, Մեծ Բրիտանիայի, Գերմանիայի, Շվեդիայի ու Աֆղանստանի քաղաքացիներ։
Տաթև Ֆռանգյան
