01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Հնդկաստանում գազատարի պայթյուն է գրանցվել․ զոհ ու վիրավորներ կան
Քաղաքականություն
22.12.2020 | 13:38
Հնդկաստանի արևմտյան Գուջարաթ նահանգում գազի խողովակաշարի պայթյունի հետևանքով 1 մարդ զոհվել է, 2-ը՝ վիրավորվել։ Այս մասին հայտնում է Reuters-ը՝ վկայակոչելով տեղի իշխանություններին։
Դեռևս պարզ չէ, թե որ ընկերությունն է սպասարկել գազի խողովակաշարը։ Երկրի պետական Oil and Natural Gas Corp (ONGC)-ից հերքել են լրատվամիջոցներում հայտնված տեղեկությունները, որ հենց այդ ընկերությունն է եղել սպասարկող օպերատորը։ Տեղի Sabarmati Gas ընկերությունը ևս հայտարարել է, որ չի սպասարկել գազատարը։
Տեղեկացվում է, որ հզոր պայթյունի հետևանքով ավերվել է 2 տուն, փլատակների տակ մարդիկ կան։
Աղբյուրի փոխանցմամբ՝ պայթյունի պատճառը, հավանաբար, եղել է գազի արտահոսքը։
Տաթև Ֆռանգյան
