18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Սա միայն նախերգանքն է․ պետականությունն է վտանգի տակ․ Արման Նավասարդյան. ՏԵՍԱՆՅՈՒԹ
Քաղաքականություն
15.12.2020 | 14:42
Միջազգային հարաբերությունների և դիվանագիտության պատմությունը ցույց է տալիս, որ նման իրադրությունում, կապիտուլյացիայի այսպիսի փաստաթուղթ ստորագրած ղեկավարությունը հեռանում է: Խնդիրն այն է, որ այն, ինչ հիմա տեղի է ունենում, ամբողջ սցենարի նախերգանքն է. սա շարունակվելու է: «Հայաստանի սահմանները. ո՞վ գիտի՝ որտե՞ղ են սկսվում և որտե՞ղ ավարտվում» թեմայով առցանց քննարկման ժամանակ այս մասին ասաց ՀՀ Արտակարգ և լիազոր դեսպան Արման Նավասարդյանը:
«Մեր պետականությունը վտանգի տակ է, որն ամեն վայրկյան կարող է փլուզվել, մեր տարածքային ամբողջականությունն է դրվում հարցականի տակ, և մեր իշխանություններն այսօր չեն գործում: Միջնադարում անգամ նման բան չկար, որ գյուղացին գնա իր տունը պաշտպանելու: Անկախության 30 տարիների արդյունքում սրա՞ն պետք է հասած լինեինք, ո՞վ է պատասխանատու, թող բարի լինի պատասխան տա:
Ես զարմանում եմ, որ Էրդողանի հայտարարությունը և Էնվեր փաշայի ոգեկոչումը, որ նա արեց, մենք բավականին հանգիստ ենք ընդունում, այն դեպքում, երբ Էնվեր փաշան 2015թ. Եղեռնի թիվ մեկ մեղավորն է: Մենք պետք է տագնապ հնչեցնեինք ոչ թե վարչապետի խոսնակի մակարդակով անատամ հայտարարություն անեինք: Սրանք շատ լուրջ խնդիրներ են, որովհետև Թուրքիան այսօր այնպիսի գիծ է բռնել, որով Ռուսաստանին հասկացնում է, որ առանց նրա էլ կարող է իր խնդիրները լուծել: Թուրքիան այս տարածաշրջանից դուրս չի գալու: Եվ այն, ինչ այսօր Ադրբեջանն անում է Թուրքիայի դրդմամբ՝ սահմանների երկայնքով և բոլոր այլ հանգամանքներով, շորունակվելու է:
Եվ այս իրադրության մեջ, երբ որ նախարարի կամ պատգամավորի մակարդակով հայտարարություն է արվում Թուրքիայի, Ադրբեջանի հետ խաղաղ գոյակցության, անգամ երջանիկ պայմաններ ստեղծելու կոչերով, ես պարզապես ապշում եմ: Դա կա՛մ քաղաքական տհասություն է, կա՛մ կրիտինիզմ է. նրանք ասում են՝ կգանք, կգրավենք Երևանը, իսկ մենք ասում ենք՝ մենք ուզում ենք դիվանագիտական հարաբերություններ հաստատել, սա ի՞նչ քաղաքականություն է»,- նշեց Արման Նավասարդյանը:
Մանրամասները՝ տեսանյութում:
