«Շատ պինդ տղաներ ունենք». գերեվարված 44 զինծառայողներին ուղեկցած բժիշկը մանրամասներ է պատմում

Լուրեր

16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
16.11.2026 | 19:51
Բաքուն ՆԱՏՕ-ի հուսալի գործընկերն է․ Հաջիևը հայտարարել է՝ Ադրբեջանը պատրաստ է զարգացնել դաշինքի հետ գործընկերությունը՝ հանուն խաղաղ Հարավային Կովկասի
16.11.2026 | 19:33
Բուլղարիայի ափերի մոտ նավ է խորտակվել, որի անձնակազմում Ադրբեջանի քաղաքացիներ են եղել․ ՏԵՍԱՆՅՈՒԹ
16.11.2026 | 19:20
Հայր ու որդի նույն հայտարարագիրն են ներկայացրել
16.11.2026 | 19:09
Պապոյանը Գերմանիայի դեսպանի հետ քննարկել է տնտեսական համագործակցության զարգացման հեռանկարները
16.11.2026 | 19:00
Անվճար խորհրդատվություն և հետազոտություններ․ զրույց՝ դեկտեմբերի 4-6-ը սպասվող առողջապահական EXPO-ի մասին. ՏԵՍԱՆՅՈՒԹ
Բոլորը

Երեկ Հայաստան վերադարձավ Արցախյան պատերազմի ընթացքում և դրանից առաջ Ադրբեջանի կողմից գերեվարված 44 անձ: Նրանք Բաքվից Երևան են տեղափոխվել ռուսական օդանավով: Հայ գերիներին ուղեկցելու էր մեկնել խումբ, որի կազմում էր նաև Երևանի կայազորային հոսպիտալի վիրաբուժական բաժանմունքի պետ, բժիշկ Միքայել Սամսոնյանը: Factor.am-ի հետ զրույցում բժիշկ Սամսոնյանն ասաց՝ գերությունից վերադարձածների կյանքին վտանգ չի սպառնում, բայց բոլորը հոգեբանական աջակցության կարիք ունեն:

-Պարո՛ն Սամսոնյան, հրապարակված կադրերում երևում է, որ գերիների մի մասը դժվարությամբ էր քայլում։ Վնասվածքները պատերազմի՞ հետևանք են, թե՞ խոշտանգումների:

-Միանշանակ Ձեր հարցին չեմ կարող պատասխանել։ Ամեն դեպքում, երբ տղաների հետ զրուցում էինք, նրանց մեծ մասն ասաց, որ դա պատերազմի հետևանք է: Որքան էլ տարօրինակ է՝ խոշտանգումներ, նրանց խոսքով, քիչ են եղել: Բայց ես չեմ կարող ասել՝ նրանց փոխանցած տեղեկությունը վախի՞ ազդեցության տակ էր, թե՞ իրականում… չասեմ՝ լավ, բայց համեմատաբար լավ վերաբերմունք է եղել մեր գերիների նկատմամբ: Ամեն դեպքում, ունեինք վիրավորներ, կաղացող հիվանդներ:

-Ընդունենք, որ դա պատերազմի հետևանք է, իսկ նրանց համապատասխան բուժօգնություն ցուցաբերվե՞լ է:

-Բժշկական օգնություն ցուցաբերվել է: Տվյալ պահին չէի կարող գնահատել՝ պատշա՞ճ, թե՞ ոչ, ամեն դեպքում, հիվանդներից մեկն ունեցել է ոտքից վիրավորում՝ կոտրվածքով, որի վրա հավաքած է եղել Էլիզարովի ապարատ: Վերքի վիճակը բավարար չէր, բայց հիվանդի բարոյահոգեբանական վիճակը բավականին կայուն էր, ինչը շատ գովելի է մեր զինվորի համար: Սակայն հիվանդը հետագա բուժման կարիք ունի՝ հաշվի առնելով, որ կոտրվածքը բավականին երկար բուժում է պահանջում:

-Իսկ կայի՞ն ծանր վիճակով տեղափոխված գերիներ:

– Ծանր վիճակում ունենիք մի զինծառայող, որի ոտքի թաթի հատվածն ամպուտացված էր, դա պատերազմական վիճակով էր պայմանավորված: Հիմնական վիճակը կարելի է բավարար գնահատել, եթե հաշվի չառնենք, որ բավականին թվով գերիներ կարիք ունեն հոգեբանական աջակցության:

-Իսկ որքանո՞վ են ծանր հոգեբանական խնդիրները:

-Քանի որ ես մասնագետ չեմ, կդժվարանամ գնահատել։ Բայց, ամեն դեպքում, հոգեբանական օգնության կարիք, այսպես թե այնպես, մեր բոլոր հիվանդները կունենան, քանի որ երկար ժամանակ գտնվել են թշնամու գերության մեջ: Բայց շատ պինդ տղաներ ունենք։ Երբ բարձրանում էին ինքնաթիռ, չէին սպասում՝ հաջորդ քայլը ինչ է լինելու, ուր են գնալու, երբ ինքնաթիռի մեջ նրանց դիմավորում էին հայերեն խոսքով՝ «ո՞նց եք, տղաներ ջան», նրանց դեմքի արտահայտությունը պիտի տեսնեիք, ուրախության արցունքները… Չմանրանամ, կարճ ասեմ՝ հալալ է մեր տղաներին:

-Որպես բժիշկ՝ ինչպե՞ս կգնահատեք գերիների վնասվածքները, ի՞նչ տեսակի էին:

-Գերիների մի մասը վնասվածք չուներ, որովհետև նրանց մեջ նաև քաղաքացիական անձինք կային, որոնք ուղղակի գերեվարվել են:

-44-ից քանի՞սն էր վիրավոր:

-Մոտավորապես 10-ը, իսկ մի մասի վերքերը բավական լավացած էին արդեն: Երկու հոգու տեղափոխեցինք կենտրոնական հոսպիտալ, որովհետև ավելի նեղ մասնագիտական բուժման կարիք ունեին: Մյուսների հարցով հետագայում որոշում կկայացվի՝ նրանք տեղո՞ւմ բուժում կստանան, թե՞ ընդհանրապես բուժման կարիք չունեն կամ, գուցե, զուտ հոգեբանական աջակցության կարիք ունեն․․․ ընթացքը ցույցը կտա: Ամեն դեպքում, նրանց կյանքին, ըստ իս, վտանգ չի սպառնում:

Անահիտ Խաչատրյան