12.10.2026 | 22:10
ԵՄ-ն հստակեցրել է իր դիրքորոշումը երևանյան COP17-ի համար
Քննչական կոմիտեում հովանավորչություն չեմ տեսել. ՔԿ փոխնախագահ
Հասարակություն
15.01.2018 | 16:59
Հայաստանի քննչական կոմիտեն որևէ մեկին չի հովանավորում, այլ կատարում է Սահմանադրությամբ նախատեսված իր գործառույթները: Խորհրդարանում լրագրողների հետ զրույցում հայտարարություն արեց ՔԿ փոխնախագահ, ՔԿ կարգապահական հանձնաժողովի նախագահ Արթուր Ղամբարյանը՝ հակադարձելով այս օրերին հնչած մեղադրանքներին, որ Ճվճըվ Արո մականունով հայտնի Արա Վարդանյանի որդիները՝ Սերժ և Սարգիս Վարդանյանները, վայելել են Քննչական կոմիտեի հովանավորչությունը:
«Քննչական կոմիտեի կողմից այս հարցի վերաբերյալ հայտարարություն եղել է, ես չէի ցանկանա կրկնել, մանավանդ, որ դա իմ իրավասության շրջանակներից դուրս է, գործի հանգամանքներին էլ մանրամասն չեմ տիրապետում և չեմ կարող գնահատական տալ: Բայց, կարծում եմ, սա այն դեպքերից է, որ մենք պետք է հասկանանք, որ նման դեպքերով հասարակության և իրավապահ համակարգի միջև վստահության դեֆիցիտը ավելի է պակասում։ Այն անջրպետը, որ կա, երբ հասարակությունը իրավապահ համակարգին չի վստահում, նման դեպքերով, պետք է ցավով նշեմ, այո՛, այդ անդունդը խորանում է։ Իրավապահ համակարգում մեզանից յուրաքանչյուրը պետք է գիտակցի, թե որտեղ ինչ խնդիր կա և ոչ թե փորձի արդարացնող եղանակներով որոշակի խնդիրներ չքննարկել», – նշեց Արթուր Ղամբարյանը։
Մանրամասները՝ տեսանյութում։
