01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
Վրաստանի կառավարող կուսակցությունը Գախարիային կրկին առաջադրել Է վարչապետի թեկնածու
Քաղաքականություն
14.12.2020 | 17:24
Վրաստանի իշխող «Վրացական երազանք-ժողովրդավարական Վրաստան» կուսակցությունը նոր կառավարության ղեկավարի պաշտոնում կրկին առաջադրել է Գիորգի Գախարիայի թեկնածությունը: Այս մասին երկուշաբթի հայտնել է խորհրդարանի մամուլի ծառայությունը, փոխանցում է ՏԱՍՍ-ը:
««Վրացական երազանք-ժողովրդավարական Վրաստան» քաղաքացիների քաղաքական ասոցիացիան Վրաստանի խորհրդարան է ներկայացրել վարչապետի պաշտոնում Գիորգի Գախարիայի թեկնածությունը»,- ասված է հաղորդագրության մեջ:
Գախարիան Վրաստանի կառավարությունը ղեկավարում է 2019 թվականի սեպտեմբերից: Նոր գումարման խորհրդարանի աշխատանքը դեկտեմբերի 11-ին սկսվելուց հետո վարչապետի գլխավորած կառավարությունը հրաժարական տվեց, իսկ նախարարների կաբինետի բոլոր անդամները դարձան պաշտոնակատարներ: Այժմ Գախարիան պետք է խորհրդարան ներկայացնի իր ծրագիրն ու ապագա նախարարների կաբինետը, ինչից հետո կսկսվի հաստատման ընթացակարգը։ Դրա համար պատգամավորներն ունեն երկու շաբաթ: Եթե դա տեղի չունենա, նախագահը պետք է ցրի օրենսդիր մարմինը և արտահերթ խորհրդարանական ընտրություններ նշանակի:
Տաթև Ֆռանգյան
