29.04.2026 | 14:10
Արմեն Մելիքբեկյանն ու Լևան Կոբիաշվիլին հանդիպել են ՖԻՖԱ-ի նախագահին
Քաղաքացին ի՞նչ իրավունք ունի պաշտպանության նախարարին ասի բոշա. Սեյրան Սարոյան
Քաղաքականություն
15.01.2018 | 11:40
Ազգային ժողովի «Հանրապետական» խմբակցության պատգամավոր, գեներալ Սեյրան Սարոյանը վստահեցնում է, թե տեղյակ չէ պաշտպանության նախարար Վիգեն Սարգսյանի կազմակերպած դրամահավաքից: Խորհրդարանում Factor.am-ի հարցին ի պատասխան՝ Սարոյանը հայտարարեց. «Կպել եք Վիգեն Սարգսյանին, չեք պրծնում, էն օրն էլ մի լրագրող բռնել գրել ա` մթոմ քեֆ ենք արել, քննարկում ենք արել»:
Հիշեցնենք՝ ՀՀ պաշտպանության նախարար Վիգեն Սարգսյանի՝ արտերկրում զինվորի բուժման համար դրամահավաքին մասնակցելու կոչը մեծ աղմուկ բարձրացրեց, անգամ փոխադարձ վիրավորանքներ հնչեցին: Երբ քաղաքացիներից մեկը, նախարարի կոչին գնատահական տալով, նկատել էր, թե «բոշայություն» են անում, Վիգեն Սարգսյանը չէր վարանել հակադարձել տվյալ օգտատիրոջը՝ նրան «բոշա» անվանելով:
Սեյրան Սարոյանը լրագրողներին հորդորեց հանգիստ թողնել նախարարին, ավելին՝ կոչ արեց ոչ թե խանգարել, այլ օգնել Վիգեն Սարգսյանին: «Պաշտպանության նախարարից չենք վախում, կաթողիկոսից չենք վախում գոնե Աստծուց վախենանք»,- կոչ արեց Սարոյանը:
Մանրամասները՝ տեսանյութում:
Շողիկ Գալստյան
