01.07.2026 | 18:50
Զելենսկիի թիմը փորձել է Զալուժնիին համոզել՝ չմասնակցել ընտրություններին, սակայն նա հրաժարվել է
Ավարտվել է Ստեփանակերտի № 10 դպրոցի տարածքի մաքրումը պայթյունավտանգ առարկաներից․ ՌԴ ՊՆ
Քաղաքականություն
02.12.2020 | 10:44
Ռուս խաղաղապահները շարունակում են ականազերծման աշխատանքները Լեռնային Ղարաբաղում։ Այս մասին հայտնում են ՌԴ ՊՆ-ից։
«Անցած օրվա ընթացքում ավարտվել է Ստեփանակերտի № 10 դպրոցի տարածքի ուսումնասիրությունը, պայթյունավտանգ առարկաների որոնման ու մաքրման աշխատանքները»,- պատմել են Ռուսաստանի Պաշտպանության նախարարությունից։
Պատերազմող կողմերի հաշտեցման ռուսական կենտրոնի մասնագետները նաև օգնել են վերականգնել էլեկտրաէներգիայի մատակարարումն ու ջերմամատակարարումը: Մոտ ապագայում, խաղաղապահների աջակցությամբ, նախատեսվում է բացել այլ ուսումնական հաստատություններ ևս:
Ընդհանուր առմամբ, Լեռնային Ղարաբաղում ինժեներական ստորաբաժանումները մաքրել են ավելի քան 34 հա տարածք, շուրջ 12 կմ ճանապարհ, ստուգել են ավելի քան 110 տուն և սոցիալական օբյեկտ, հայտնաբերել և վնասազերծել են 1077 պայթուցիկ առարկա:
Տաթև Ֆռանգյան
