02.11.2026 | 22:39
Թուրքիայի ափերի մոտ 5.1 մագնիտուդով երկրաշարժ է տեղի ունեցել
Լավրովը մեկնաբանել է ԼՂ-ում գերիների փոխանակման հարցը
Քաղաքականություն
01.12.2020 | 20:21
Մոսկվան չի համարում, որ Ղարաբաղում գերիների ու զոհվածների մարմինների փոխանակումը միտումնավոր ձգձգվում է։ Այս մասին հայտարարել է ՌԴ ԱԳ նախարար Սերգեյ Լավրովը, հաղորդում է ՌԻԱ Նովոստին։
«Դժվար է խոսել այս գործընթացը ձգձգող ինչ-որ միտումնավոր քայլերի մասին։ Մենք դա չենք տեսնում, բայց կան օբյեկտիվ դժվարություններ, որոնք, հուսով եմ, արագ կլուծվեն։ Դա փաստ է»,- ասել է Լավրովը։
Նա նշել է, որ հաշվի առնելով տեղանքը և թե ինչպես են ծավալվել ռազմական գործողությունները՝ դրանց միանգամից դադարեցման արդյունքում շատ դժվար էր զբաղվել այդ հարցերով, նաև անհետ կորածների ճշգրիտ ցուցակների բացակայությամբ։
«Հուսանք, որ Կարմիր Խաչի միջազգային կոմիտեի մասնագետների ներգրավմամբ գործն ավելի արագ առաջ կգնա։ Մեր խաղաղապահները իրենց հնարավորությունների չափով, իհարկե, կաջակցեն»,- հավելել է Լավրովը։
Էմմա Չոբանյան
