16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
2020թ․ ՀԱՊԿ-ն ամրապնդել է համագործակցությունը․ Շոյգու
Քաղաքականություն
01.12.2020 | 16:39
Միջոցառումները, որոնք անցկացվել են Հավաքական անվտանգության պայմանագրի կազմակերպության (ՀԱՊԿ) կողմից, ամրապնդել են ՀԱՊԿ-ի անդամ երկրների ռազմական գերատեսչությունների համագործակցությունը: ՌԻԱ Նովոստիի փոխանցմամբ՝ այս մասին հայտարարել է ՌԴ պաշտպանության նախարար Սերգեյ Շոյգուն։
«Դրանք օգնել են լուծել կազմակերպությունում ՌԴ նախագահության առաջնահերթ խնդիրները, ինչպես նաև նպաստել են մեր երկրների պաշտպանական գերատեսչությունների միջև համագործակցության ամրապնդմանը»,- հայտարարել է նա ՀԱՊԿ ՊՆ ղեկավարների խորհրդի նիստին։
Անցկացված միջոցառումների թվում Շոյգուն հատկապես կարևորել է Հաղթանակի 75-ամյակի տոնակատարությունը և հունիսի 24-ին Կարմիր հրապարակում անցկացված շքերթը: Նա շնորհակալություն է հայտնել գործընկերներին՝ շքերթին ՀԱՊԿ-ի զինծառայողների մասնակցության համար:
Շոյգուն նաև պատմել Է ԱՊՀ-ի, ՇՀԿ-ի և ՀԱՊԿ-ի պաշտպանության նախարարների՝ առաջին անգամ սեպտեմբերին անցկացված համատեղ նիստի մասին: Նա այն անվանել է «կարևոր ներդրում ՀԱՊԿ-ի հեղինակության ամրապնդման, գլոբալ անվտանգության միասնական դիրքորոշման ձևավորման, վստահելի երկխոսության կառուցման, փոխըմբռնման ամրապնդման գործում»։
Տաթև Ֆռանգյան
