18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Դատախազությունը Նիկոլ Փաշինյանի խամաճիկն է․ Հայկ Ալումյան. ՏԵՍԱՆՅՈՒԹ
Հասարակություն
01.12.2020 | 14:02
2018 թվականից սկսած՝ մենք բազմիցս հայտարարել ենք, որ Հայաստանի երկրորդ նախագահ Ռոբերտ Քոչարյանի դեմ հարուցված քրեական գործը քրեական չէ, դա քաղաքական հետապնդում է: Այս մասին լրագրողների հետ զրույցում ասաց ՀՀ երկրորդ նախագահի փաստաբան Հայկ Ալումյանը:
Փաստաբանի խոսքով՝ այս ընթացքում իրենք բազմիցս ապացույցներ են ներկայացրել առ այն, որ Ռոբերտ Քոչարյանի նկատմամբ քաղաքական հետապնդում է իրականացվում. «Նիկոլ Փաշինյանի վերջին հայտարարությունը մեզ համար նորություն չէր, դա պարզապես ևս մեկ ապացույց էր, որ Ռոբերտ Քոչարյանի նկատմամբ քաղաքական հետապնդում է իրականացվում: Սա ևս մի ապացույց է, որ դատախազությունը խամաճիկ է Փաշինյանի ձեռքում, և հնազանդորեն կատարում է նրա բոլոր հրամաններն ու քմահաճույքները»:
Հիշեցնենք՝ նախօրեին ՀՀ վարչապետ Նիկոլ Փաշինյանը, անդրադառնալով նախկին նախագահներ Լևոն Տեր-Պետրոսյանի և Ռոբերտ Քոչարյանի` Մոսկվա չկայացած այցին, գրել էր. «Երբ պարզվեց, որ խնդիրը Քոչարյանի անձնագրի մեջ է, որը գտնվում է դատարանում: Ես ասացի` թող գնան դատարան, ես կխնդրեմ դատախազությանը չառարկել անձնագրի վերադարձի հարցում: Այդպես էլ եղավ: Դատարանը անձնագիրը վերադարձրեց Քոչարյանին, սակայն Տեր-Պետրոսյանն ու Քոչարյանն այդպես էլ չմեկնեցին Մոսկվա»:
Ալումյանը նշեց նաև, որ այս պահին դատախազներին բացարկ հայտարարելու հարց դեռ չի քննարկվել` չնայած, որ նրանք ենթակա են բացարկի. «Ամեն ինչ տեղի է ունենում գլխավոր դատախազի վերահսկողության ներքո, և դատախազներին բացարկ հայտարարելն իմաստ չունի, քանի որ փոխարինումն իրավիճակի փոփոխության չի հանգեցնի»:
Մանրամասները՝ տեսանյութում:
