15.06.2026 | 20:15
Հայաստանում կանցկացվի «Արծիվ գործընկեր-2026» միջազգային խաղաղապահ զորավարժությունը
Թանկացումների դեմ պայքարը մեծ հաջողություն կունենա, եթե ճիշտ իրականացվի. քաղաքագետ
Քաղաքականություն
10.01.2018 | 13:46
Քաղաքագետ Լևոն Շիրինյանը Factor.am-ի հետ զրույցում կանխատեսում է, որ թանկացումների դեմ ԱԺ «Ելք» խմբակցության նախաձեռնած բողոքի երթը մեծ հաջողություն կունենա, եթե այն ճիշտ իրականացվի:
«Եթե «Ելքը» պայքարը կազմակերպի Սահմանադրության, օրենսդրության շրջանակներում և կարողանա մեր պետության հավասարակշիռ թեքումն ապահովել դեպի ԵՄ, կարծում եմ մեծ հաջողություններ կունենա: Էդ իմաստով՝ ապագան իրենն է: Ինչպես կտանեն, դա չեմ կարող ասել»,- ասաց քաղաքագետը՝ հավելելով, թե հաջողությունը կախված է նաև այն հանգամանքից, թե որքանով են անկեղծ սեփական ժողովրդի հետ:
Ինչպես հայտնի է՝ «Ելքը» հունվարի 19-ին բողոքի երթ է անցկացնելու թանկացումների դեմ: Շիրինյանի խոսքով՝ «Ելքը» փորձում է դառնալ քաղաքական-զանգվածային կուսակցություն:
«Մտադրություն ունեն, թե՝ չէ, բայց շանս ունեն: Մենք քաղաքական կուսակցություններ, ըստ էության, չունենք»,- նշում է նա:
Լևոն Շիրինյանի գնահատմամբ՝ Հայաստանում սոցիալական լարվածությունը շատ ավելին է, քան Իրանում: «Բայց մի բան եմ նկատում. հայ հասարակությունը հոգնել է պայքարելուց, ինչը սխալ է, որովհետև մեկ է՝ պայքարն է, որ կարող է կարգավորել կառավարիչների և կառավարվողների փոխհարաբերությունները, չափավորել վատորակ կառավարումը»,- ասում է քաղաքագետը:
Մանրամասները դիտեք քաղաքագետ Լևոն Շիրինյանի հետ Factor.am-ի հարցազրույցում:
Մարինե Խառատյան
